تٷركٸستاننىڭ ەسٸم حان اتىنداعى ورتالىق الاڭداعى ايرىقشا شاراعا 20 مىڭداي ادام قاتىستى.
وبلىستىڭ ورتالىعى رەتٸندە باستالعان جيىنعا العاشقى كٶشتٸ تٷركٸستان وبلىسىنىڭ ەكٸمٸ جانسەيٸت تٷيمەباەۆ باستاپ باردى. ولاردىڭ قاتارىندا وبلىتىق مەسليحات حاتشىسى ق.بالابيەۆ, «نۇر وتان» پارتيياسى وبلىستىق فيليال تٶراعاسىنىڭ بٸرٸنشٸ ورىنباسارى ن.جولداسوۆ, قوعامدىق كەڭەس تٶراعاسى ٶ.مەلدەحانوۆ سىندى حالىق قالاۋلىلارى مەن زييالى قاۋىم ٶكٸلدەرٸ, ارداگەرلەر بولدى. شىمكەنتتەن تٷركٸستانعا جەتكەن توپتى جەرگٸلٸكتٸ تۇرعىندار زور قۋانىشپەن قارسى الدى.
تاريحي سەتتٸ تاماشا مەرەكەگە ۇلاستىرۋ ماقساتىندا استانا مەن الماتىدان ارنايى ەنشٸلەر توبى دا تٷركٸستاندىقتاردىڭ قۋانىشىنا ورتاقتاسا كەلدٸ. ولاردىڭ ورتاسىندا ەلٸمٸزگە بەلگٸلٸ ٶنەر جۇلدىزدارى – جۇبانىش جەكسەنۇلى, ماقپال جٷنٸسوۆا, ۇلىقپان جولداسوۆ, سايات مەدەۋوۆ, ايگٷل يمانباەۆا, تامارا اسار, عادٸلبەك جاناي, جازيرا مەن جانبولات سىندى وننان استام تانىمال ەنشٸلەر ەن سالىپ, حالىقتىڭ مەرەيٸن اسىردى.
مەرەكەلٸك جيىندا سٶيلەگەن تٷركٸستان وبلىسىنىڭ ەكٸمٸ ج. تٷيمەباەۆ ەلباسى جارلىعىنىڭ ستراتەگييالىق ماڭىزىنا ەرەكشە توقتالىپ, ەجەلدەن قازاق حاندىعىنىڭ ورتالىعى, كٷللٸ تٷركٸ جۇرتىنىڭ رۋحاني ورداسىنىڭ ەندٸگٸ باعىتىن قولداپ-قۋاتتاۋعا شاقىردى.
– سٸزدەردٸ كٶنە شاھار تٷركٸستاننىڭ وبلىس ورتالىعى مەرتەبەسٸن يەمدەنگەن تاريحي سەتٸمەن شىن جٷرەكتەن قۇتتىقتايمىن! پرەزيدەنتٸمٸز اتاپ كٶرسەتكەندەي ٶڭٸردٸڭ ٶركەندەۋٸنە تىڭ سەرپٸن بەرۋٸن كٶزدەگەن شەشٸمنٸڭ تاريحي مەن-ماعىناسى ٶتە تەرەڭدە.
بۇل قادام كٶنە شاھاردىڭ قويناۋىندا جاتقان تاريحي جەدٸگەرلەردٸڭ قايتا جارقىراپ, ٶڭٸردٸڭ ەلەۋمەتتٸك-ەكونوميكالىق ەلەۋەتٸنٸڭ كٶتەرٸلۋٸنە, جەرگٸلٸكتٸ تۇرعىنداردىڭ تۇرمىس ساپاسىنىڭ ارتۋىنا وڭ ىقپال جاسايتىنى سٶزسٸز.
1500 جىلدان استام تەرەڭ تاريحى بار قالانىڭ ححٸ عاسىرداعى جاڭا تىنىسى اشىلعالى تۇر. ۇلت كٶشباسشىسىنىڭ مەڭگٸلٸك ەلدٸ قالىپتاستىرۋداعى ۇلى ماقساتتارىمەن ٷيلەسكەن مۇنداي ساياسي شەشٸمدٸ جٷزەگە اسىرۋعا جانجٷرەگٸمٸزبەن ايانباي ەڭبەك ەتەيٸك, – دەگەن جانسەيٸت قانسەيٸتۇلىنىڭ تەبٸرەنٸستٸ تٸلەگٸن مىڭداعان تۇرعىندار زور ىقىلاسپەن قابىل الدى.
الاڭعا جينالعان قاۋىم ەستارادا جۇلدىزدارىنىڭ ٶنەرٸ مەن وتشاشۋدى تاماشالىپ, شىن ريزالىقتارىن بٸلدٸردٸ. كەرەمەت كەش حالىقتىق دۋمانعا ۇلاستى.
تٷركٸستان وبلىسى ەكٸمٸنٸڭ باسپسٶز قىزمەتٸ
