ٶز كەزەگٸندە پرەزيدەنت سۋدىڭ ساپاسى جەنە ونىڭ حالىققا قولجەتٸمدٸ بولۋى كەرەك ەكەنٸن العا تارتتى. ٶيتكەنٸ جىل ٶتكەن سايىن حالقىمىزدىڭ سانى دا, ەكونوميكامىز دا ٶسٸپ كەلە جاتقانى بەلگٸلٸ. بۇل – قالىپتى قۇبىلىس. 2040 جىلدارعا قاراي قازاقستانداعى سۋ تاپشىلىعى 12-15 ميلليارد تەكشە مەترگە جەتۋٸ مٷمكٸن.
– بٸز – ترانسشەكارالىق سۋ كٶزدەرٸنە تەۋەلدٸ ەلمٸز. ەۋرازييا قۇرلىعىنداعى ٶزەندەر مەن كانالدار – بارشامىزعا ورتاق تابيعات بايلىعى. وسى سۋ كٶزدەرٸ بٸزدٸڭ حالىقتارىمىزدى, ەكونوميكامىزدى جاقىنداستىرادى.
سوندىقتان كٶرشٸلەس ەرٸ دوستاس ەلدەرمەن بۇل مەسەلە بويىنشا ەردايىم ٶزارا تٷسٸنٸستٸككە جەنە كەلٸسٸمگە كەلۋ كەرەك. جان-جاقتى ويلاستىرىلعان سۋ ساياساتىن جٷرگٸزۋ, ترانسشەكارالىق سۋلاردى پايدالانۋ مەسەلەلەرٸن شەشۋ – ٷكٸمەتتٸڭ الدىندا تۇرعان اسا ماڭىزدى مٸندەتتەر, – دەدٸ مەملەكەت باسشىسى.
سونىمەن قاتار پرەزيدەنت شارۋالار مەن ٶنەركەسٸپ ٶكٸلدەرٸنٸڭ سۋدى قالاي پايدالانىپ جاتقانىنا قاتىستى ساپالى ساراپتامالار مەن بولجامدار جاساۋ كەرەك ەكەنٸن العا تارتتى. بۇل تالداۋلار ەر جىلى جەنە ورتا مەرزٸمدٸ كەزەڭدە سۋدىڭ مٶلشەرٸ قانداي بولاتىنىن انىقتاۋعا مٷمكٸندٸك بەرەدٸ. سوىنمەن قاتار ٸشكٸ سۋ رەسۋرستارىن ٷنەمدەپ پايدالانۋ ٶتە ماڭىزدى.
– سۋدى ٷنەمدەيتٸن تەحنولوگييا ٶتە باياۋ ەنگٸزٸلۋدە. ەلٸمٸزدە سۋدى شاقتاپ پايدالانۋ مەدەنيەتٸ دە جوق. كەيبٸر ٶڭٸرلەرٸندە سۋدى ەڭ كٶپ جۇمسايتىن اۋىل شارۋاشىلىعى سالاسىندا ونىڭ 40 پايىزى بوسقا ىسىراپ بولىپ جاتىر. سۋ شارۋاشىلىعى نىساندارىنىڭ 60 پايىزى توزىپ تۇر. ولقىلىقتىڭ ورنىن تولتىرۋ ٷشٸن ٶتە باتىل جەنە شۇعىل شارالار قاجەت.
ەڭ الدىمەن, سۋدى ٷنەمدەيتٸن وزىق تەحنولوگييانى ەنگٸزۋ ٸسٸن تەزدەتٸپ, ونى قولدانۋ اۋماعىن جىل سايىن 150 مىڭ گەكتارعا دەيٸن كەڭەيتۋ كەرەك.
كٶكتەمگٸ قارعىن سۋدى جيناۋ جەنە ونى ەگٸستٸككە جەتكەنشە قۇمعا سٸڭٸرٸپ جوعالتىپ الماۋ مەسەلەسٸ شەشٸمٸن تابۋعا تيٸس. ٶيتكەنٸ ونىڭ بەرٸ – ٸشكٸ سۋ قورىمىز. ول ٷشٸن 20 جاڭا بٶگەن سالۋ, كەمٸندە 15 سۋ قويماسىنا كٷردەلٸ جٶندەۋ جٷرگٸزۋ جەنە 3500 شاقىرىمدىق كانالدى جاڭعىرتىپ, تسيفرلىق تەسٸلمەن باقىلاۋعا الۋ كەرەك. نەگٸزگٸ مٸندەت – 2027 جىلعا قاراي قوسىمشا ەكٸ تەكشە شاقىرىم سۋعا قول جەتكٸزۋ, – دەدٸ توقاەۆ.
سونىمەن قاتار پرەزيدەنت ٶز جولداۋىندا سۋدى نورماتيۆتەن ارتىق جۇمساعاندار ونىڭ اقىسىن جوعارى تاريفپەن تٶلەۋٸ كەرەك ەكەنٸن ەسكەرتتٸ.
– سۋدى بارىنشا ٷنەمدەۋٸمٸز قاجەت. وعان قوسا سۋدىڭ «كٶلەڭكەلٸ» نارىعى تٷبٸرٸمەن جويىلۋعا تيٸس. حالقىمىز «سۋدىڭ دا سۇراۋى بار» دەپ بەكەر ايتپاعان. سۋ دەگەنٸمٸز – ٷنەمدەپ پايدالانباسا, تەز تاۋسىلاتىن شەكتەۋلٸ رەسۋرس. ونسىز شارۋالاردىڭ كٷنٸ قاراڭ. سول سەبەپتٸ بۇل سالادا زاڭسىزدىققا جول بەرٸلمەيدٸ.
تالاپقا باعىنبايتىندار قاتاڭ جازاعا تارتىلادى. ەلٸمٸز ٷشٸن سۋدىڭ ماڭىزى مۇناي, گاز نەمەسە مەتالدان كەم ەمەس. سۋ شارۋاشىلىعى جٷيەسٸن تيٸمدٸ دامىتۋ مەسەلەسٸمەن دەربەس مەكەمە اينالىسۋى قاجەت دەپ سانايمىن. سوندىقتان سۋ رەسۋرستارى جەنە يرريگاتسييا مينيسترلٸگٸ قۇرىلادى, – دەدٸ.
