قالادا جول, مەكتەپ, LRT سيياقتى ٸرٸ جوبالار كٶبەيگەن سايىن ەسكٸ ٷيلەردٸ ساتىپ الۋ جاعدايلارى جيٸلەپ جاتىر. مۇنداي كەزدە ٷي يەلەرٸ "بٸزگە قانشا ٶتەماقى بەرٸلەدٸ?" دەگەن سۇراققا جيٸ جاۋاپ ٸزدەيدٸ. وسى مەسەلەگە قاتىستى قۇرىلىس سالاسىنىڭ ساراپشىسى ديليارا سەيتنۇروۆا پٸكٸر بٸلدٸردٸ, دەپ حابارلايدى Dalanews.kz.
كەيٸنگٸ جىلدارى الماتىدا ينفراقۇرىلىم قارقىندى دامىپ كەلەدٸ. سونىڭ ەسەرٸنەن كەيبٸر اۋداندار رەنوۆاتسييا ايماعىنا كٸرٸپ, ەسكٸ ٷيلەردٸڭ ورنىنا جاڭا نىساندار سالۋ جوسپارلانىپ جاتىر.
قالا ەكٸمدٸگٸنٸڭ مەلٸمەتٸنشە, تەك 2026 جىلدىڭ العاشقى ٷش ايىندا مەملەكەت مۇقتاجى ٷشٸن 1400-دەن استام نىساندى الۋ جوسپارلانعان. بۇل – قالادا جاڭارتۋ جۇمىستارىنىڭ كٷشەيگەنٸن اڭعارتادى.
سونىمەن قاتار جەكە قۇرىلىس كومپانييالارى دا بەلسەندٸ ەرەكەت ەتٸپ جاتىر. ەسٸرەسە, قالا ورتالىعىنداعى ەسكٸ ٷيلەر ورنالاسقان جەر تەلٸمدەرٸنٸڭ نارىقتىق قۇنى جوعارى بولعاندىقتان, مۇنداي نىساندارعا سۇرانىس ارتىپ وتىر.
Qazaq Expert Club ساراپشىسى ديليارا سەيتنۇروۆانىڭ ايتۋىنشا, مەملەكەت مۇقتاجى ٷشٸن جەر نەمەسە ٷي الىنعان جاعدايدا مەنشٸك يەسٸ مەمٸلەدەن باس تارتا المايدى. الايدا ۇسىنىلعان ٶتەماقى كٶلەمٸمەن كەلٸسپەگەن جاعدايدا ونى سوت ارقىلى قايتا قاراتۋعا قۇقىلى.
"ەگەر تەۋەلسٸز باعالاۋ جٷرگٸزٸلٸپ, كەسٸبي زاڭگەردٸڭ كٶمەگٸ بولسا, سوت ارقىلى ٶتەماقى كٶلەمٸن 20–30 پايىزعا دەيٸن ارتتىرۋعا بولادى", – دەيدٸ ساراپشى.
ال جەكە قۇرىلىس كومپانييالارىمەن كەلٸسسٶز جٷرگٸزۋ كەزٸندە جاعداي ٶزگەشە. مۇندا مەنشٸك يەسٸ ۇسىنىستان باس تارتۋعا تولىق قۇقىلى. دەگەنمەن مۇنداي كەلٸسسٶزدەر ۇزاققا سوزىلىپ, 1,5 جىلدان 3 جىلعا دەيٸن جالعاسۋى مٷمكٸن.
ساراپشىنىڭ ايتۋىنشا, ەڭ ماڭىزدىسى – اسىعىس شەشٸم قابىلداماۋ. العاشقى ۇسىنىسقا بٸردەن كەلٸسۋ كٶبٸنە مٷلٸك قۇنىنىڭ بٸر بٶلٸگٸن جوعالتۋعا ەكەلەدٸ.
"رەنوۆاتسييا اياسىندا ساتىپ الۋ كەزٸندە نارىقتىق باعادان 10–15 پايىز كٶلەمٸندەگٸ ٷستەمە اقى – قالىپتى تەجٸريبە. قۇرىلىس كومپانييالارى مۇنى الدىن الا ٶز بيۋدجەتٸنە ەنگٸزەدٸ", – دەپ تٷسٸندٸردٸ ديليارا سەيتنۇروۆانىڭ ٶزٸ.
كەلٸسسٶزگە دايىندىق تەك مٷلٸكتٸ باعالاۋمەن شەكتەلمەيدٸ. قۇجاتتاردىڭ تولىق ەرٸ زاڭدى بولۋى دا شەشۋشٸ رٶل اتقارادى. ساراپشىنىڭ ايتۋىنشا, جەر اكتٸسٸ, ساتىپ الۋ-ساتۋ شارتى, تەحنيكالىق پاسپورت, كاداسترلىق جوسپار جەنە ەشقانداي اۋىرتپالىقتىڭ بولماۋى ٷي يەسٸنٸڭ كەلٸسسٶزدەگٸ ۇستانىمىن كٷشەيتەدٸ.
"قۇجاتتارى تولىق ەرٸ "تازا" بولسا, مەنشٸك يەسٸ مٷلٸكتٸڭ باعاسىن سەنٸمدٸ تٷردە كٶتەرە الادى. ال زاڭداستىرىلماعان قۇرىلىستار كەرٸسٸنشە, باعانى تٶمەندەتۋٸ مٷمكٸن نەمەسە بٶلەك كەلٸسسٶز تاقىرىبىنا اينالادى", – دەيدٸ ول.
مۇنداي نىسانداردى زاڭداستىرۋ 3–6 اي ۋاقىتتى الادى جەنە شامامەن 500 مىڭنان 2 ميلليون تەڭگەگە دەيٸن شىعىندى تالاپ ەتەدٸ. ەگەر مەنشٸك يەسٸ بۇل جولدى تاڭداماعان جاعدايدا, ول بۇل مەسەلەنٸ باعا ساۋدالاسۋ كەزٸندە پايدالانۋعا قۇقىلى.
سونىمەن قاتار ساراپشى كٶشۋ, قۇجات رەسٸمدەۋ جەنە جٶندەۋ سەكٸلدٸ قوسىمشا شىعىنداردى دا الدىن الا ەسەپكە الۋعا كەڭەس بەرەدٸ. بۇل شىعىنداردى دا قۇرىلىس كومپانيياسىمەن كەلٸسسٶز بارىسىندا ٶتەماقى قۇرامىنا ەنگٸزۋگە بولادى.
جالپى العاندا, مٷلٸكتٸ ساتۋ – ەرٸكتٸ شەشٸم. ەگەر ۇسىنىلعان شارتتار نەمەسە قۇرىلىس كومپانيياسىنىڭ بەدەلٸ كٷمەن تۋدىرسا, مەنشٸك يەسٸ مەمٸلەدەن باس تارتۋعا تولىق قۇقىلى.
"جىلجىمايتىن مٷلٸكتٸڭ قۇنى تەك ٷيدٸڭ قازٸرگٸ جاعدايىمەن عانا ەمەس, جەر تەلٸمٸنٸڭ ەلەۋەتٸمەن دە انىقتالادى. سوندىقتان باستى ماقسات – ونىڭ نارىقتىق ەرٸ ينۆەستيتسييالىق قۇنىنا ساي ەدٸل ٶتەماقىعا قول جەتكٸزۋ", – دەپ تٷيٸندەدٸ ساراپشى.
