الماتى وبلىسى بويىنشا قما دەپارتامەنتى زاڭسىز ينتەرنەت-كازينو ۇيىمداستىرعان قىلمىستىق توپقا قاتىستى تەرگەۋ جۇرگىزۋدە، دەپ حابارلايدى Dalanews.kz.
زاڭسىز قىزمەتتى جاسىرۋ ماقساتىندا جالعان تۇلعالاردىڭ اتىنا تىركەلگەن بايلانىسى بار زاڭدى تۇلعالاردىڭ كەڭ جەلىسى پايدالانىلعان.
1Win ينتەرنەت-پلاتفورماسى 11 مىڭنان استام ونلاين ويىنعا، سونداي-اق سپورتتىق جانە كيبەرسپورتتىق وقيعالارعا ءباس تىگۋگە مۇمكىندىك بەرگەن.
ءباس قابىلداۋ جانە ۇتىستاردى تولەۋ بانك كارتالارى، ەلەكتروندى تولەم جۇيەلەرى جانە كريپتوۆاليۋتا ارقىلى جۇزەگە اسىرىلعان.
كۇدىكتىلەر حالىقارالىق ىزدەۋگە جاريالانىپ، ولارعا قاتىستى سىرتتاي قاماۋعا الۋ تۇرىندەگى بۇلتارتپاۋ شاراسى سانكسيالانعان.
بۇدان بولەك، قىلمىستىق جولمەن الىنعان كۇدىكتىلەردىڭ مۇلكىن مەملەكەت پايداسىنا الۋ ءۇشىن سوتقا دەيىنگى تاركىلەۋ شارالارى قولدانىلعان. ونىڭ ىشىندە: Mercedes Maybach S500، Lamborghini Huracan، Toyota Land Cruiser اۆتوكولىكتەرى، سونداي-اق بانك شوتتارىنداعى 151 ملن تەڭگە، 14 600 اقش دوللارى جانە 44 400 ەۋرو بار.
سوت قاۋلىسىمەن جالپى قۇنى 420 ملن تەڭگەدەن اساتىن مۇلىك مەملەكەت كىرىسىنە تاركىلەندى.
