باتىس قازاقستان وبلىسىندا “Chia Tai Pharmaceutical” قارجىلىق پيراميداسىن ۇيىمداستىرۋشىنىڭ كٸنەسٸ دەلەلدەندٸ. ونىڭ باسشىسى سالىمشىلاردان زاڭسىز اقشا جيناپ, 185 جەبٸرلەنۋشٸگە جالپى سوماسى 180 ميلليون تەڭگەدەن استام شىعىن كەلتٸرگەن, دەپ حابارلايدى Dalanews.kz.
2022 جىلدىڭ قىركٷيەگٸنەن 2023 جىلدىڭ سەۋٸرٸنە دەيٸن شىڭعىرلاۋ اۋدانىنىڭ تۇرعىنى “Chia Tai Pharmaceutical”كومپانيياسىنىڭ اتىن جامىلىپ, فارماتسەۆتيكالىق كەسٸپورىنعا زاڭدى ينۆەستيتسييا سالۋ ارقىلى جوعارى پايدا تابۋعا ۋەدە بەرگەن. الايدا بۇل جالعان اقپارات بولىپ, ونىڭ ماقساتى – سالىمشىلاردان زاڭسىز قاراجات جيناۋ ەكەنٸ انىقتالدى.
"فارماتسەۆتيكالىق زاۋىتقا زاڭدى ينۆەستيتسييا سالامىز دەگەن جالعان اتاۋمەن ول فارماتسەۆتيكالىق كەسٸپورىن قىزمەتٸنەن جوعارى كٸرٸس الۋعا ۋەدە بەرٸپ, سالىمشىلاردان زاڭسىز قاراجات تارتقان. ونىڭ قىلمىستىق ەرەكەتٸنٸڭ نەتيجەسٸندە 185 جەبٸرلەنۋشٸگە جالپى سوماسى 180 ميلليون تەڭگەدەن استام ماتەريالدىق شىعىن كەلتٸرٸلگەن. بٶرلٸ اۋداندىق پروكۋراتۋراسىنىڭ مەملەكەتتٸك ايىپتاۋشىسىنىڭ پرينتسيپتٸ ۇستانىمىن ەسكەرە وتىرىپ, سوتتالۋشىنىڭ قارجىلىق پيراميدانى قۇرۋ جەنە باسقارۋ, سونداي-اق قىلمىستىق جولمەن الىنعان اقشا مەن باسقا دا مٷلٸكتٸ زاڭداستىرۋ بويىنشا كٸنەسٸ تولىق دەلەلدەندٸ. 180 ميلليون تەڭگەدەن استام كەلتٸرٸلگەن شىعىن جەبٸرلەنۋشٸلەردٸڭ پايداسىنا تولىعىمەن ٶندٸرٸلدٸ", – دەلٸنگەن باس پروكۋراتۋرانىڭ حابارلاماسىندا.
سوت مەملەكەتتٸك ايىپتاۋشىنىڭ ۇستانىمىمەن كەلٸسە وتىرىپ, سوتتالۋشىنى قازاقستان رەسپۋبليكاسى قىلمىستىق كودەكسٸنٸڭ 217-باپتىڭ 2-بٶلٸگٸ 2-تارماعى (قارجىلىق (ينۆەستيتسييالىق) پيراميدانى قۇرۋ جەنە باسقارۋ), 218-باپتىڭ 2-بٶلٸگٸ 3-تارماعىندا (قىلمىستىق جولمەن الىنعان اقشانى جەنە (نەمەسە) ٶزگە مٷلٸكتٸ زاڭداستىرۋ (جىلىستاتۋ)) كٶزدەلگەن قىلمىستاردى جاساعانى ٷشٸن كٸنەلٸ دەپ تاۋىپ,قىلمىستىق قۇقىق بۇزۋشىلىقتىڭ جيىنتىعىمەن 5 جىل مەرزٸمگە قارجى ۇيىمدارىندا باسشى لاۋازىمداردى اتقارۋ جەنە قارجى ۇيىمىنىڭ قاتىسۋشىسى بولۋ قۇقىعىنان ايىرا وتىرىپ 5 جىلعا باس بوستاندىعىنان ايىرۋ تٷرٸندەگٸ جازا تاعايىندادى.
سوت ٷكٸمٸ زاڭدى كٷشٸنە ەندٸ.
