پاۆلودار تۇرعىنى مارينا حارچۋك 18 جىلعا جۋىق ەلەۋمەتتٸك باسپانا كەزەگٸندە تۇرىپ, ەكٸ بٶلمەلٸ پەتەر بەرٸلەتٸنٸ تۋرالى حابارلاما العان. الايدا كٶپتەن كٷتكەن باسپاناسىنا قول جەتكٸزە الماعان. جٷيە وتباسىنىڭ تابىسى بەلگٸلەنگەن مٶلشەردەن اسىپ كەتكەنٸن كٶرسەتٸپ, پەتەر بەرۋدەن باس تارتقان, دەپ حابارلايدى dalanews.kz.
27 جاستاعى مارينا – تۇل جەتٸم. ول ەلەۋمەتتٸك تۇرعىن ٷي كەزەگٸنە 2008 جىلى تٸركەلگەن. بيىل 6 تامىزدا وعان 1414 نٶمٸرٸنەن اۋدانى 81 شارشى مەتر بولاتىن ەكٸ بٶلمەلٸ پەتەر بٶلٸنگەنٸ تۋرالى SMS كەلگەن.
قۋانىشتى حاباردى العان مارينا باسپانانى الۋعا كەلٸسٸمٸن راستاپ, قاجەتتٸ رەسٸمدەردەن ٶتكەن. الايدا جٷيەدە «جالعاستىرۋ» باتىرماسىن باسقاننان كەيٸن وتباسىنىڭ تابىسى تالاپقا سەيكەس كەلمەيتٸنٸ تۋرالى حابارلاما شىعىپ, ٶتٸنٸمٸ قابىلدانباعان.
"مەن 2008 جىلدان بەرٸ, ياعني 18 جىلعا جۋىق ۋاقىت باسپانا كەزەگٸندە تۇرمىن. 6 تامىزدا 1414-تەن ماعان 81 شارشى مەترلٸك ەكٸ بٶلمەلٸ پەتەر بەرٸلگەنٸ تۋرالى حابارلاما كەلدٸ. مەن ونى راستادىم, قاجەتتٸ رەسٸمدەردەن ٶتتٸم. بٸراق ارى قاراي جالعاستىرعان كەزدە تابىسىمىز تالاپقا سەيكەس كەلمەيدٸ دەگەن سەبەپپەن باس تارتىلدى", – دەيدٸ مارينا.
قازٸر ول تۇرمىستا, وتباسىندا كٸشكەنتاي قىزى بار. ٷش ادامنان تۇراتىن وتباسىنىڭ جەكە باسپاناسى جوق, سوندىقتان پەتەر جالداپ تۇرادى. مارينانىڭ اي سايىنعى تابىسى شامامەن 300 مىڭ تەڭگە, جۇبايى دا وسى كٶلەمدە جالاقى الادى.
ونىڭ سٶزٸنشە, "وتباسى بانكٸنٸڭ" ماماندارى ەرلٸ-زايىپتىنىڭ جيىنتىق تابىسى بەلگٸلەنگەن شەكتەن اسىپ كەتكەنٸن تٷسٸندٸرگەن. ماريناعا ٷش ادامنان تۇراتىن وتباسى ٷشٸن تابىس شەگٸ شامامەن 350 مىڭ تەڭگە ەكەنٸ ايتىلعان.
"نەلٸكتەن تۇراقتى ەرٸ رەسمي تابىستىڭ بولۋى باسپانا الۋعا كەدەرگٸ بولۋى كەرەك? بٸز پەتەر جالداپ تۇرامىز. بالاباقشاعا, ازىق-تٷلٸككە, كيٸم-كەشەككە, كٷندەلٸكتٸ تۇرمىستىق قاجەتتٸلٸكتەرگە اقشا جۇمسايمىز. وعان قوسا نەسيەلٸك مٸندەتتەمەلەرٸمٸز بار", - دەيدٸ ول.
مارينا تاعى بٸر مەسەلەنٸڭ جاۋابىن تاپپاي وتىرعانىن ايتادى. ەگەر وتباسىنىڭ تابىسى باستاپقىدا تالاپقا سەيكەس كەلمەسە, نەلٸكتەن جٷيە وعان پەتەر بٶلٸنگەنٸ تۋرالى حابارلاما جٸبەرگەن?
"ەگەر تابىسىمىز تالاپقا سەيكەس كەلمەسە, نەگە ماعان الدىمەن پەتەر بٶلٸنگەنٸ تۋرالى حابارلاما كەلدٸ? نەگە مەن ونى راستاعاننان كەيٸن عانا باس تارتىلدى? مەن جەتٸم بالالار ساناتى بويىنشا كەزەكتە تۇرمىن. وسى ساناتقا قاتىستى تابىس قانداي تالاپتار نەگٸزٸندە ەسەپتەلگەنٸن تٷسٸندٸرٸپ بەرۋدٸ سۇرايمىن", – دەيدٸ پاۆلودارلىق.
ول قابىلدانعان شەشٸمدٸ قايتا قاراۋ مٷمكٸندٸگٸن دە سۇراپ وتىر. سونداي-اق كەيٸن ساتىپ الۋ قۇقىعىمەن بەرٸلەتٸن جالدامالى باسپانا الۋ مٷمكٸندٸگٸ قاراستىرىلا ما دەگەن ساۋال قويعان.
مارينا بۇل مەسەلەنٸ شەشۋگە كٶمەكتەسۋدٸ سۇراپ, پرەزيدەنت قاسىم-جومارت توقاەۆقا دا جٷگٸنگەن.
"مەن ٷشٸن بۇل پەتەر – جاي عانا شارشى مەتر ەمەس, 18 جىلعا جۋىق كٷتكەنٸمنٸڭ نەتيجەسٸ", - دەيدٸ مارينا.
پاۆلودار تۇرعىنى ەندٸ ۇزاق جىل بويى كەزەكتە تۇرعانىن جەنە ٶزٸنٸڭ تۇل جەتٸمدەر ساناتىنا جاتاتىنىن ەسكەرٸپ, جاعدايىنا جەكە نازار اۋدارىلىپ, باسپانا مەسەلەسٸنٸڭ شەشٸلۋٸنە كٶمەكتەسۋدٸ سۇراپ وتىر.
