قازاقستاندا ۆاۋچەرلٸك قارجىلاندىرۋدى ەنگٸزۋ بالاباقشا كەزەگٸنٸڭ قىسقارۋىنا ەسەر ەتتٸ, دەپ حابارلايدى dalanews.kz.
وقۋ-اعارتۋ مينيسترلٸگٸ مەملەكەت باسشىسىنىڭ تاپسىرماسى بويىنشا مەملەكەتتٸك قىزمەتتەر كٶرسەتۋ جەنە مەملەكەتتٸك بٸلٸم بەرۋ تاپسىرىسىن ورنالاستىرۋدىڭ جاڭا مەحانيزمٸن ەزٸرلەگەن.
بۇعان دەيٸن بالاباقشا ورىندارىنا كەزەك ۆەرتيكالدى قاعيدات بويىنشا قالىپتاسىپ, مەملەكەتتٸك تاپسىرىس ناقتى مەكتەپكە دەيٸنگٸ ۇيىمدارعا بەكٸتٸلەتٸن. ال قارجىلاندىرۋ ناقتى قاجەتتٸلٸككە قاراي بٶلٸنبەگەن. مينيسترلٸك مۇنداي تەسٸل جالعان كونتينگەنتتٸ تٸركەۋ, بالاباقشالار اراسىنداعى بەسەكەلەستٸكتٸڭ شەكتەلۋٸ جەنە بيۋدجەت قاراجاتىنىڭ تيٸمسٸز پايدالانىلۋى سيياقتى مەسەلەلەرگە ەكەلگەنٸن اتاپ ٶتتٸ.
جاڭا مەحانيزم اياسىندا دەرەكتەردٸڭ دۇرىستىعىن تەكسەرٸپ, ىقتيمال بۇزۋشىلىقتاردى انىقتايتىن تەۋەكەلدەردٸ باسقارۋ جٷيەسٸ ەنگٸزٸلدٸ. بۇل مەملەكەتتٸك بٸلٸم بەرۋ تاپسىرىسىن بٶلۋدٸڭ وبەكتيۆتٸلٸگٸن ارتتىرىپ, سىبايلاس جەمقورلىق تەۋەكەلدەرٸن تٶمەندەتۋگە باعىتتالعان.
قازٸرگٸ ۋاقىتتا ۆاۋچەرلٸك قارجىلاندىرۋ بويىنشا پيلوتتىق جوبا ەلٸمٸزدٸڭ 20 قالاسى مەن 23 اۋدانىندا جٷزەگە اسىرىلىپ جاتىر. وعان شامامەن 6 مىڭ مەكتەپكە دەيٸنگٸ ۇيىم قاتىسادى. جوبا اياسىندا 1 ملن-نان استام ۆاۋچەر بەرٸلگەن.
مينيسترلٸكتٸڭ مەلٸمەتٸنشە, جاڭا مەحانيزمدٸ ەنگٸزۋ نەتيجەسٸندە مەكتەپكە دەيٸنگٸ تەربيەمەن قامتىلعان بالالار سانى ارتقان. سونىمەن قاتار 2-6 جاستاعى كەزەكتە تۇرعان بالالار سانى 160 مىڭنان 23 مىڭعا دەيٸن قىسقارعان.
پيلوتتىق جوبا اياسىندا 35 ملرد تەڭگەدەن استام بيۋدجەت قاراجاتى ٷنەمدەلگەن. ٷنەمدەلگەن قاراجات ەسەبٸنەن قوسىمشا ۆاۋچەرلەر بەرٸلٸپ جاتىر.
مينيسترلٸك جاڭا مودەل مەملەكەتتٸك قىزمەتتەردٸڭ اشىقتىعىن قامتاماسىز ەتۋگە, بيۋدجەت قاراجاتىن تيٸمدٸ پايدالانۋعا, سونداي-اق بٸلٸم بەرۋ قىزمەتتەرٸنٸڭ ساپاسى مەن مەكتەپكە دەيٸنگٸ ۇيىمدار اراسىنداعى بەسەكەلەستٸكتٸ ارتتىرۋعا مٷمكٸندٸك بەرەتٸنٸن حابارلادى.
