رەسپۋبليكا كۇنىنە وراي «حابار» اگەنتتىگى مەرەكەلىك تەلەمارافون وتكىزەدى. تەلەكوپىر فورماتىنداعى مەگا جوبا 24 قازان كۇنى 16.00-دە «حابار» تەلەارناسىندا باستالادى. ەلىمىزدىڭ باستى ارناسى ەڭ ءىرى ءۇش قالانىڭ مەرەكەلىك ساحناسىنداعى كونسەرتتەردى تىكەلەي ەفيردە 4 ساعات بويى ۇسىناتىن بولادى. "مەگاپوليستەر بىرلىگى" ۇرانىمەن وتەتىن مەگا جوبا ەلىمىزدىڭ ەڭ ءىرى ءۇش قالاسى - استانا، الماتى جانە شىمكەنت قالالارىنان تاراتىلادى.
ايتۋلى ءىس-شاراعا 150-دەن استام قازاقستاندىق ەسترادا جۇلدىزى مەن بەلگىلى ونەر ۇجىمدارى قاتىسادى. مەرەكەلىك تەلەكوپىردى ايگۇل مۇكەي مەن سىرىم قاشقابايەۆ، ەركەبۇلان دايىروۆ پەن ولگا سپيرينا، كيريلل مەيستەر مەن ءلايلا سۇلتان قىزى سىندى ەلىمىزگە تانىمال جۇرگىزۋشىلەر تىزگىندەيدى.
مەرەكەلىك تەلەمارافوننىڭ ماقساتى - رەسپۋبليكا كۇنىن ناسيحاتتاۋ، ۇلتتىق مەرەكە رەتىندە جاندانعان اتاۋلى كۇنگە قوعامنىڭ قىزىعۋشىلىعىن ارتتىرۋ.
