Respýblıka kúnine oraı «Habar» Agenttigi merekelik telemarafon ótkizedi. Telekópir formatyndaǵy mega joba 24 qazan kúni 16.00-de «Habar» telearnasynda bastalady. Elimizdiń basty arnasy eń iri úsh qalanyń merekelik sahnasyndaǵy konsertterdi tikeleı efırde 4 saǵat boıy usynatyn bolady. "Megapolıster birligi" uranymen ótetin mega joba elimizdiń eń iri úsh qalasy - Astana, Almaty jáne Shymkent qalalarynan taratylady.
Aıtýly is-sharaǵa 150-den astam qazaqstandyq estrada juldyzy men belgili óner ujymdary qatysady. Merekelik telekópirdi Aıgúl Múkeı men Syrym Qashqabaev, Erkebulan Daıyrov pen Olga Spırına, Kırıl Meıster men Láıla Sultanqyzy syndy elimizge tanymal júrgizýshiler tizgindeıdi.
Merekelik telemarafonnyń maqsaty - Respýblıka kúnin nasıhattaý, ulttyq mereke retinde jandanǵan ataýly kúnge qoǵamnyń qyzyǵýshylyǵyn arttyrý.
