15 سەۋٸردەن باستاپ قازاقستان بانكتەرٸ موبيلدٸ اۋدارىمدار تۋرالى مەلٸمەتتەردٸ سالىق ورگاندارىنا جولداي باستايدى. جاڭا تالاپ اياسىندا قارجى ۇيىمدارى 2026 جىلدىڭ بٸرٸنشٸ توقسانى بويىنشا بارلىق موبيلدٸ اۋدارىم جٶنٸندەگٸ اقپاراتتى ۇسىنۋعا مٸندەتتەلەدٸ. بۇل تۋرالى قارجى ۆيتسە-مينيسترٸ ەرجان بٸرجانوۆ مەلٸمدەدٸ, دەپ حابارلايدى Dalanews.kz.
مينيسترلٸك مەلٸمەتتەردٸ العاننان كەيٸن كامەرالدىق باقىلاۋ جٷرگٸزٸپ, كٷمەن تۋدىرعان جاعدايلار بويىنشا ازاماتتارعا حابارلاما جٸبەرەدٸ. ەگەر ازامات بەلگٸلەنگەن مەرزٸمدە تٷسٸنٸكتەمە بەرسە نەمەسە قاجەتتٸ سالىق ەسەبٸن تاپسىرسا, مەسەلە جابىلعان بولىپ ەسەپتەلەدٸ.
ۆەدومستۆو ٶكٸلدەرٸنٸڭ ايتۋىنشا, جەكە ماقساتتاعى اقشا اۋدارىمدارى كەسٸپكەرلٸك تابىس رەتٸندە قاراستىرىلمايدى. ياعني تۋعان كٷن, توي-تومالاق نەمەسە باسقا دا وتباسىلىق شارالار كەزٸندە جاقىندارىنان تٷسكەن قاراجات سالىقتىق تەكسەرۋگە نەگٸز بولمايدى.
باقىلاۋدىڭ نەگٸزگٸ ماقساتى – تاۋار مەن قىزمەت اقىسىن جەكە بانك كارتاسىنا قابىلداپ, تابىسىن رەسمي كٶرسەتپەيتٸن كەسٸپكەرلەردٸ انىقتاۋ. سالىق ورگاندارى بۇل رەتتە اۋدارىم كٶلەمٸنەن بۇرىن اقشا جٸبەرۋشٸلەر سانىنا نازار اۋدارادى. ەگەر بٸر اي ٸشٸندە شوتقا 100-دەن استام ەرتٷرلٸ ادامنان اقشا تٷسٸپ, بۇل جاعداي ٷش اي قاتارىنان قايتالانسا جەنە جالپى سوما 1 ميلليون 20 مىڭ تەڭگەدەن اسسا, مۇنداي وپەراتسييالار تەكسەرۋگە ٸلٸگۋٸ مٷمكٸن.
بٸر ادام كٷنٸنە بٸرنەشە رەت اقشا اۋدارعان كٷننٸڭ ٶزٸندە ول بٸر عانا جٸبەرۋشٸ رەتٸندە ەسەپتەلەدٸ. سونىمەن قاتار جەكە كەسٸپكەر رەتٸندە تٸركەلگەن ازاماتتاردىڭ جەكە شوتتارى دا قاجەت بولعان جاعدايدا تەكسەرٸلۋٸ مٷمكٸن.
ەسكەرتۋگە جاۋاپ بەرمەگەن جاعدايدا ازاماتتارعا ايىپپۇل سالىنۋى ىقتيمال. ونىڭ كٶلەمٸ تٶلەنبەگەن سالىقتىڭ 200 پايىزىنا دەيٸن جەتۋٸ مٷمكٸن. ال حابارلاما العان ازاماتتارعا جاۋاپ بەرۋ ٷشٸن 30 جۇمىس كٷنٸ بەرٸلەدٸ. وسى ۋاقىت ٸشٸندە ولار اۋدارىمداردىڭ جەكە ماقساتتا بولعانىن دەلەلدەۋٸ نەمەسە تيٸستٸ سالىقتارىن تٶلەپ, قىزمەتٸن زاڭداستىرۋى قاجەت.
ەگەر تالاپ ورىندالماسا, بانك شوتتارىنا شەكتەۋ قويىلۋى مٷمكٸن.
