Biz Birgemiz قورىندا پەريزات قايراتتان بولەك 10 قۇرىلتايشى بار، - دەپ حابارلايدى Dalanews.kz "ۇلىسمەدياعا" سىلتەپ.
رەسمي اشىقدەرەككوزدەردەگى مالىمەت بويىنشا، قوردىڭ العاش استانا قالاسىنىڭ ادىلەت دەپارتامەنتى 2021 جىلى قاراشادا تىركەگەن. قوردىڭ تولىق اتاۋى – "Biz Birgemiz Qazaqstan 2030" قوعامدىق بىرلەستىگى.
قوردىڭ قۇرىلتايشىلارىنىڭ تىزىمىندە پەريزات قايراتتىڭ وزىمەن قوسقاندا 10 ادام بار. ولار:
- ماتيۋشەنكو سەرگەي ۆلاديميروۆيچ
- ماعزۇم ارسلانبەك تالعات ۇلى
- تۇرعانباي شاديار دوكتور ۇلى
- امانباي ارۋجان ورازباي قىزى
- بولىسوۆ توحتار كوممۋناروۆيچ
- حيسماتۋللين دامير ساكەنوۆيچ
- سەريكجانوۆا ايگەريم تەلجانوۆنا
- سەيتكامال گۇلناز نۇرلان قىزى
- حافيز ايان باۋىرجان ۇلى.
تىزىمدەگى قۇرىلتايشىلاردىڭ ءبىرازىنىڭ ەسىمى Amanat پارتياسىمەن بايلانىستى. ماسەلەن، سەرگەي ماتيۋشەنكو پارتيانىڭ استانا قالاسى بايقوڭىر اۋداندىق فيليالىنىڭ اتقارۋشى حاتشىسى. ەلوردالىق ازاماتتىق اليانستى ديرەكتورى بولعانىن الەۋمەتتىك جەلىدە جازادى. ءوزىن جەلىدە قازاق ءتىلىن بىلەتىن ۋكراين دەپ تانىستىرادى.
ماعزۇم ارسلانبەك استانا قالاسى «Amanat» پارتياسى جانىنداعى «جاستار رۋحى» جق فيليالىنىڭ ءتوراعاسى. 2023 جىلعى 29 ناۋرىزدا استانا قالاسى ءماسليحاتىنىڭ VIII سايلانىمىنىڭ دەپۋتاتى بولىپ سايلانعان.
بولىسوۆ توحتار كوممۋناروۆيچ اشىق دەرەككوزدەردە INMODE جانە CONSULT-INVEST ITIC كومپانياسىنىڭ جەتەكشىسى رەتىندە كورسەتىلگەن. ونىڭ سونىمەن بىرگە، عىلىم جانە جوعارى ءبىلىم ءمينيسترىنىڭ جاستار ساياساتى جونىندە كەڭەسشىسى ەكەنى جازىلعان. 2018-2024 جىلدار ارالىعىندا قازاقستان جاستار كونگرەسىنىڭ اتقارۋشى ديرەكتورى بولعان.
سەريكجانوۆا ايگەريم تەلجانوۆنا Amanat پارتياسى جانىنداعى "جاستار رۋحى "جاستار قاناتى" قوعامدىق بىرلەستىگىنىڭ استانا قالالىق فيليالىنىڭ بۇرىنعى قۇرىلتايشىسى جانە SAT MEDIA كومپانياسىنىڭ باسشىسى.
حافيز ايان باۋىرجان ۇلى – Amanat پارتياسى جانىنداعى "جاستار رۋحى" جاستار قاناتى " قوعامدىق بىرلەستىگىنىڭ استانا قالالىق فيليالىنىڭ بۇرىنعى قۇرىلتايشىسى. تىزىمدەگى باسقا قۇرىلتايشىلار جونىندە اشىق اقپارات كوزدەرىندە مالىمەت تابىلمادى.
ەسكە سالايىق، كۇنى كەشە قارجىلىق مونيتورينگ اگەنتتىگى ەرىكتىلەر قوزعالىسىنىڭ بەلسەندىسى جانە قوعامدىق قايىرىمدىلىق قورىنىڭ قۇرىلتايشىسى پەريزات قايراتقا قاتىستى تەرگەۋ جۇرگىزىلىپ جاتقانىن حابارلاعان بولاتىن.
ول كوكتەمگى سۋ تاسقىنىنان زارداپ شەككەن ازاماتتارعا كومەكتەسۋ ءۇشىن جينالعان 1،5 ملرد تەڭگەدەن استام قاراجاتتى جىمقىردى دەپ كۇدىكتەلۋدە.
قايىرىمدىلىقتىڭ نەگىزگى بولىگى قىمبات ءسان بۇيىمدارى مەن جىلجىمايتىن مۇلىكتى ساتىپ الۋ ماقساتىنا پايدالانىلدى.
بيىل كوكتەمدە ول ەلورداداعى اۆتوسالونداردا 88 ملن تەڭگەگە "Mercedes-Benz S450"، 80 ملن تەڭگەگە "Lexus LX-600" جانە 39 ملن تەڭگەگە "Haval" اۆتوكولىكتەرىن ساتىپ الدى.
وسى كەزەڭدە ول جالپى سوماسى 600 ملن تەڭگەنى قۇرايتىن ەلوردانىڭ پرەميۋم ساناتتاعى "Akbulak Riviera"، "Highvill Ishim Gold"، "كوك جايلاۋ" تك (تۇراق ورىندارىن قوسا العاندا)، سونداي-اق "Vela Village" كوتتەدج قالاشىعىندا جىلجىمايتىن مۇلىك نىساندارىن ساتىپ الدى.
سونىمەن قاتار، قازاقستاندىقتاردىڭ قايىرىمدىلىققا جىبەرگەن قاراجات ەسەبىنەن پەريزات ق. دۋباي، دوحا، لوندون جانە ستامبۋلداعى «St. Regis»، «Shangri-La»، «Palazzo Versace» جانە «Kempinski» سياقتى بەس جۇلدىزدى قوناق ۇيلەردە دەمالعان.
بۇل ەلدەردە ول "Cartier" جانە "Louis Vuitton" سياقتى برەندتەردىڭ قىمبات اكسەسسۋارلارى مەن زەرگەرلىك بۇيىمداردى ساتىپ الىپ، فەشەنەبەلدى مەيرامحانالارعا بارىپ، ياحتالاردى جالداعان.
قىلمىستىق سحەمانى جۇزەگە اسىرۋ ءۇشىن دوستارى مەن تۋىستارىنا 8% سىياقى بەرىپ، قوردىڭ اقشاسى قولما-قول اقشاعا اينالدىرىپ وتىرعان.
وسىلايشا، پەريزات ق. ءوزىنىڭ زاڭسىز ارەكەتتەرىمەن ەرىكتىلەر قوزعالىسىنىڭ بەدەلىنە نۇقسان كەلتىرىپ، ونىڭ اشىقتىق پەن ادالدىق پرينسيپتەرىنە كۇمان كەلتىردى جانە حالىقتىڭ سەنىپ تاپسىرعان قاراجاتىن تالان-تاراجعا سالعان.
كۇدىكتى ۇستالدى.
ايتا كەتسەك،32 جاستاعى اقتوبەلىك پەريزات قايرات قىزى شەتەلدە (ۇلىبريتانيا) وقىپ، جۇمىس تا ىستەگەن ءبىلىمدى جاستاردىڭ ءبىرى. ەلگە كەلگەن سوڭ ساياساتقا تارتىلىپ، سوڭعى كەزدەرى ۇكىمەتتىك ەمەس ۇيىمداردا جۇمىس ىستەپ ءجۇر. كەيبىر ساياساتتانۋشى ول باسقاراتىن BizBirgemiz Qazaqstan قايىرىمدىلىق قورى ۇكىمەتتىك ەمەستەن گورى، بيلىككە جاقىنىراق ۇيىم ەكەنىن ايتادى.
سۋ تاسقىنى كەزىندە پەريزات بەلسەندى جۇمىستار اتقارىپ، ەل كوزىنە ءجيى تۇسكەن. تابيعي اپات ورىندارىندا بولعان ۆولونتەر جەلىدە سىني جازبا دا جازعان. بيىل كوكتەمدە ونىڭ قايىرىمدىلىق اياسىندا گازا سەكتورىنا دا بارعانى تۋرالى اقپارات بار.
