ۆەدومستۆو باسشىسى مارات احمەتجانوۆتىڭ مەلٸم ەتكەنٸندەي, قۇزىرلى ورگاندار ٶرت قاساقانا قويىلعان دەگەن نۇسقانى دا قاراستىرىپ جاتىر. ٸستٸ زەرتتەپ, زەردەلەيتٸن ارنايى پروكۋرورلار توبى قۇرىلعان, وعان ٸٸم ماماندارى دا ەنگەن.
"تەرگەۋ, تەكسەرۋ جۇمىسىنا شامامەن 60 كٷندەي ۋاقىت كەتەدٸ. وسى ارالىقتا جاي تٷسۋ, قاساقانا وت قويۋ, قىزمەتٸنە نەمقۇرايلى قاراۋ نۇسقالارىن ەلەكتەن ٶتكٸزٸپ, سوعان ساي شەشٸم قابىلدايمىز", - دەيدٸ احمەتجانوۆ.
ٷكٸمەتتەگٸ رەسمي شارادان كەيٸن تٸلشٸلەر مينيستردەن "يۋريي يليننٸڭ تٶتەنشە جاعداي كەزٸندەگٸ ٸس-ەرەكەتٸ تەكسەرٸلە مە?" دەگەن ساۋال قويدى.
احمەتجانوۆتىڭ اتاپ ٶتكەنٸندەي بۇل مەسەلە توقاەۆتىڭ باقىلاۋىندا. پرەزيدەنت باس پروكۋرورعا تيٸستٸ تاپسىرما بەرگەن.
"سونىڭ اياسىندا تەكسەرۋ جٷرگٸزٸلەتٸن بولادى. ٶرت فاكتٸسٸ – بۇل تٶتەنشە جاعداي, ادامدار قازا تاپتى, وسى سەبەپتٸ قىلمىستىق ٸس اياسىندا تەكسەرۋ بولادى. نەلٸكتەن كەش قيمىلدادى? نەلٸكتەن دەر كەزٸندە شارا قولدانبادى? مٷمكٸن بەيقامدىق, قىزمەتتٸك مٸندەتٸن ورىنداماۋ...”, – دەدٸ مينيستر.
8 ماۋسىمدا “سەمەي ورمانى” اۋماعىندا تۇتانعان ٶرت باقىلاۋدان شىعىپ كەتٸپ, ازداعان كٷننٸڭ ارالىعىندا 60 مىڭ گەكتارعا ۇلعايىپ ٷلگەردٸ. اباي وبلىسىنىڭ ورتالىعى سەمەي قالاسىندا تٶتەنشە جاعداي جارييالاندى.
ٶرتتٸڭ الدىن-الۋعا اسىقپاي, سىلبىر قيمىلداعان تٶتەنشە جاعدايلار مينيسترٸ يۋريي يلين قىزمەتٸنەن بوساتىلعان بولاتىن. ال اباي وبلىسىنىڭ ەكٸمٸ ٶز مٸندەتٸن دۇرىس اتقارماعانى ٷشٸن سٶگٸس العان.
اباي وبلىسىندا ارنايى شتابتىڭ مەجٸلٸسٸن ٶتكٸزگەن مەملەكەت باسشىسى ٶرتكە قاتىستى ۇزىنسونار بايانداما جاساۋعا كٸرٸسكەن تٶتەنشە جاعداي ۆيتسە-مينيسترٸ مارات كٷلدٸكوۆتٸڭ سٶزٸن ورتا جولدان بٶلگەن.
«يلين? مەن قىزمەتٸنەن بوساتقان مينيستر ٶزٸنٸڭ تٸكەلەي قىزمەتتٸك مٸندەتٸن ورىنداۋعا نەگە مٷلدەم نەمقۇرايلى قارايدى?!
14 ادام قازا تاپتى. سٸز وسىنى تٷسٸنەسٸز بە? مەن ولاردىڭ وتباسىلارىمەن كەزدەستٸم. بۇل ازاماتتار ٶز وتباسىنىڭ پەرزەنتتەرٸ, وتاعاسى بولاتىن. بٸر وتباسىندا ەكٸ جاسار بالا جەتٸم قالدى. ادامداردىڭ ارتىندا نەسيەلەرٸ قالدى. ولار وتباسىنىڭ جالعىز اسىراۋشىسى ەدٸ», - دەگەن ەدٸ توقاەۆ.
ايتقانداي, مەسكەۋ اباي وبلىسىنداعى ٶرتتٸ سٶندٸرۋ جۇمىستارىنا ودكب-نى تارتۋ بويىنشا تاسماعامبەتوۆتى جاعالاي باستادى.
تولىعىراق وسى جەردە ➡️ https://t.me/dalainside/1357
https://dalanews.kz/T-rmys/90482-zholdy-zhondep-turizmdi-damytamyz-be
