پرەزيدەنت 11 مامىردان باستاپ قانداي شەكتەۋلەر الىنىپ تاستالاتىنىن ايتتى.
"بۇگىن بۇكىل ەلىمىزدەگى توتەنشە جاعداي رەجيمى اياقتالدى. الايدا، كەيبىر ايماقتاردا دەرتتىڭ تارالۋى باسەڭدەمەي وتىر. سوندىقتان كارانتيندىك شەكتەۋلەر ءار وڭىردەگى جاعدايدىڭ جاقسارۋىنا قاراي بىرتىندەپ الىنادى.
سوعان قاراماستان كوپتەگەن سالانىڭ قىزمەتى قالپىنا كەلە باستادى. ءقازىردىڭ وزىندە 1 ميلليون 100 مىڭنان استام ازامات جۇمىسقا شىقتى.
بۇگىننەن باستاپ ەلىمىز بويىنشا دۇكەندەردىڭ ءبىرازى اشىلادى، ءسان سالوندارىنىڭ، ءبىلىم ورتالىقتارىنىڭ، تاعى باسقا نىسانداردىڭ قىزمەتى قايتا جاندانادى. ساياباقتار اشىلادى"، – دەدى پرەزيدەنت.
بۇدان بولەك جولاۋشىلارعا ارنالعان اۋە تاسىمالىنىڭ جۇمىسى قالپىنا كەلەدى. توقايەۆتىڭ اتاپ وتكەنىندەي بۇعان دەيىن 6 قالانىڭ اۋەجايى اشىلعان بولاتىن. ەندى وعان تاعى 7 قالا قوسىلادى.
"كوپتەگەن شەكتەۋلەر الىنىپ تاستالدى. الايدا، كۇندەلىكتى ومىردە ساقتىق شارالارىن قاتاڭ ۇستانعان ءجون.
ۇكىمەت جاڭا سانيتارلىق ەرەجەلەردى دايىنداپ، ەنگىزۋى قاجەت. شاعىن، ورتا، ءىرى كومپانيالار جاڭا ەرەجەلەرگە سايكەس جۇمىس ىستەۋى كەرەك. الەۋمەتتىك اراقاشىقتىقتى ساقتاۋ، كوپشىلىك جينالعان جەردە بەتپەردە تاعىپ ءجۇرۋ قالىپتى جاعدايعا اينالۋعا ءتيىس"، – دەدى مەملەكەت باسشىسى
