جامبىل وبلىسىندا جانتۇرشىگەرلىك جول اپاتىنان ەكى پوليسەي قازا تاپتى، - دەپ حابارلايدى Dalanews.kz ءىىم باسپا ءسوز قىزمەتىنە سىلتەمە جاساپ.
17 تامىزدا ساعات 01:00 شاماسىندا "مەركى - شۋ - بۋرىلبايتال" رەسپۋبليكالىق ماڭىزى بار اۆتوجولىنىڭ 40-شاقىرىمىندا اۋىر جول-كولىك وقيعاسى بولدى. 25 جاستاعى تويوتا الفارد اۆتوكولىگىنىڭ جۇرگىزۋشىسى قارسى جولاققا شىعىپ، شكودا وكتاۆيا پاترۋلدىك پوليسيا كولىگىمەن سوقتىعىسقان.
اپات سالدارىنان جول قاۋىپسىزدىگىن قامتاماسىز ەتۋ ءۇشىن جۇرگەن قىزمەتتىك كولىكتەگى ەكى پاترۋلدىك پوليسيا قىزمەتكەرى قازا تاپتى. قايتىس بولعان پوليسيا قىزمەتكەرلەرىنىڭ ءبىرى 11 بالا تاربيەلەپ وتىرعان كوپبالالى اكە.
تويوتا الفارد كولىگىندە 8 جولاۋشى بولعان. ولاردىڭ تورتەۋى سول جەردە قازا بولىپ، ءۇش جولاۋشى مەن جۇرگىزۋشى ءارتۇرلى دارەجەدەگى دەنە جاراقاتتارىمەن اۋداندىق ورتالىق اۋرۋحاناعا جاتقىزىلدى.
اتالعان دەرەك بويىنشا ق ر قك 345-بابى 4-بولىگىمەن سوتقا دەيىنگى تەرگەۋ باستالدى. قايعىلى وقيعادا قازا تاپقانداردىڭ وتباسىلارى مەن جاقىندارىنا قايعىرىپ، كوڭىل ايتامىز. پوليسيا مۇقيات تەرگەۋ جۇرگىزىپ، وقيعانىڭ ءمان-جايىن انىقتاۋ بويىنشا بارلىق قاجەتتى شارالاردى قابىلداپ جاتىر.
