Jambyl oblysynda jantúrshigerlik jol apatynan eki politsei qaza tapty, - dep habarlaidy Dalanews.kz IIM baspasóz qyzmetine silteme jasap.
17 tamyzda saǵat 01:00 shamasynda "Merki - Shý - Býrylbaital" respýblikalyq mańyzy bar avtojolynyń 40-shaqyrymynda aýyr jol-kólik oqiǵasy boldy. 25 jastaǵy Toiota Alfard avtokóliginiń júrgizýshisi qarsy jolaqqa shyǵyp, Shkoda Oktaviia patrýldik politsiia kóligimen soqtyǵysqan.
Apat saldarynan jol qaýipsizdigin qamtamasyz etý úshin júrgen qyzmettik kóliktegi eki patrýldik politsiia qyzmetkeri qaza tapty. Qaitys bolǵan politsiia qyzmetkerleriniń biri 11 bala tárbielep otyrǵan kópbalaly áke.
Toiota Alfard kóliginde 8 jolaýshy bolǵan. Olardyń tórteýi sol jerde qaza bolyp, úsh jolaýshy men júrgizýshi ártúrli dárejedegi dene jaraqattarymen aýdandyq ortalyq aýrýhanaǵa jatqyzyldy.
Atalǵan derek boiynsha QR QK 345-baby 4-bóligimen sotqa deiingi tergeý bastaldy. Qaiǵyly oqiǵada qaza tapqandardyń otbasylary men jaqyndaryna qaiǵyryp, kóńil aitamyz. Politsiia muqiiat tergeý júrgizip, oqiǵanyń mán-jaiyn anyqtaý boiynsha barlyq qajetti sharalardy qabyldap jatyr.
