اقتٶبە وبلىسىندا "100 باس جىلقى ۇرلادى" دەگەن ايىپپەن 7 جىلعا سوتتالعان 60 جاستاعى راحات سەرسەنوۆ اپەللياتسييالىق سوتتىڭ شەشٸمٸمەن بوستاندىققا شىقتى, دەپ حابارلايدى dalanews.kz.
بيىل مامىردا مۇعالجار اۋداندىق سوتى ونى 7 جىلعا باس بوستاندىعىنان ايىرىپ, جەبٸرلەنۋشٸ تاراپتىڭ 30 ميلليون تەڭگە كٶلەمٸندەگٸ ازاماتتىق تالابىن دا قاناعاتتاندىرعان بولاتىن. الايدا قورعاۋشىلار بۇل ٷكٸمگە كەلٸسپەي, اپەللياتسييالىق شاعىم تٷسٸرگەن.
ٸستٸ قايتا قاراۋ بارىسىندا ايىپتاۋ بابى ٶزگەرتٸلدٸ. سوت راحات سەرسەنوۆ 100 ەمەس, بٸر عانا جىلقىنىڭ قۇنى كٶلەمٸندە ماتەريالدىق شىعىن كەلتٸرگەنٸن انىقتاعان.
ينسۋلت العان قاريياعا راقىمشىلىق تۋرالى زاڭ قولدانىلىپ, ول سوت زالىنان بوساتىلدى.
جۋرناليست رۋسلان ٶتەپباي جىلقىشى راحات سەرسەنوۆتٸڭ ٸسٸنە بايلانىستى اقتٶبە وبلىسىنا بارعان. ونىڭ ايتۋىنشا, قارييانىڭ دەنساۋلىعى ناشارلاعان. ول 2025 جىلى ينسۋلت العان.
"وسى دەنساۋلىعىمەن 2 اي 2 كٷن تەرگەۋ يزولياتورىندا وتىردى. "ەڭ اۋىرى 60 جاسىمدى تٷرمەدە قارسى الدىم" دەيدٸ", - دەپ جازدى جۋرناليست.
سونداي-اق, رۋسلان ٶتەپباي بۇل ٸسكە قاتىستى تاعى بٸر جايتتى جارييالادى. ونىڭ ايتۋىنشا, راحات سەرسەنوۆتٸ 2019 جىلى بۇرىنعى جۇمىس بەرۋشٸسٸ نوتاريۋسقا اپارىپ, جالعىز باسپاناسىن كەپٸلگە قويعىزعان. ەرلٸ-زايىپتى قۇجات ورىس تٸلٸندە رەسٸمدەلگەنٸن, سوندىقتان ناقتى قانداي قۇجاتقا قول قويعانىن تولىق تٷسٸنبەگەنٸن ايتقان.
قازٸر راحات سەرسەنوۆ جالعىز باسپاناسىنان ايىرىلىپ قالۋى مٷمكٸن. جۋرناليستٸڭ مەلٸمەتٸنشە, بۇل مەسەلەگە قاتىستى سوت شەشٸمٸ دە شىعىپ قويعان.
"زاڭگەر باعدات اماندوسۇلى نوتارياتتىق قۇجاتتىڭ زاڭدىلىعىنا كٷمەن كەلتٸرٸپ, ونى جارامسىز دەپ تانۋ ٷشٸن قۇزىرلى ورگاندارعا تيٸستٸ ارىزداردى دايىنداپ جاتقانىن مەلٸمدەدٸ. ٸستٸڭ ناقتى قۇقىقتىق باعاسىن سوت پەن ۋەكٸلەتتٸ ورگاندار بەرەدٸ", - دەدٸ ول.
