ەلباسىنىڭ «رۋحاني جاڭعىرۋ» جوباسى اياسىندا قولعا الىنعان جۇمىستارى اۋقىمدى دا، ماڭىز دا جوعارى. ويتكەنى «100 جاڭا وقۋلىق» جوباسىنىڭ جاس ۇرپاققا ءبىلىم بەرۋ ىسىندەگى ءرولى زور.
قازاق جاستارى جوعارى عىلىمي ستاندارتتارعا سايكەس ءبىلىم الۋعا ءتيىس. «رۋحاني جاڭعىرۋ» باعدارلاماسىندا ەلمىزدىڭ ەڭبەك نارىعىندا جوعارى بىلىكتى گۋمانيتارلىق سالا ماماندارىنىڭ اسا قاجەت ەكەنىن باسا ايتىلدى. سانا مودەرنيزاسياسى گۋمانيتارلىق بىلىمگە تىكەلەي بايلانىستى بولعاندىقتان تاريح پەن ساياساتتانۋ، الەۋمەتتانۋ مەن فيلوسوفيا، پسيحولوگيا، انتروپولوگيا، مادەنيەتتانۋ، فيلولوگيا جانە پەداگوگيكا عىلىمدارى بويىنشا ستۋدەنتتەرگە زامانعا لايىق ءبىلىم بەرۋ ءۇشىن بارلىق جاعدايدى جاساۋ قاجەت. وسى مىندەتتى جوعارى دەڭگەيدە ىسكە اسىرۋعا «جاڭا گۋمانيتارلىق ءبىلىم – قازاق تىلىندەگى 100 جاڭا وقۋلىق» جوباسى كەڭىنەن جولا اشادى دەپ ەسەپتەيمىن.
سونداي-اق، ەلباسىنىڭ عىلىمدى قازاقشا سويلەتۋگە مۇرىندىق بولۋى ماڭىزدى باعىت ەكەنى انىق. وسى تۇرعىدا بەرىلگەن مۇمكىندىكتەر مەن ءتىلدى يگەرۋ ارقىلى باسقا ۇلتتىڭ مادەنيەتىمەن، تانىم-تۇسىنىگىمەن، ۇلتتىق ەرەكشەلىگىمەن تانىسا الامىز.
وزگە ۇلتتاردىڭ مادەنيەتىن بىلمەگەن ساتتە ءتۇرلى قاقتىعىستار ورىن الۋى مۇمكىن. سوندىقتان بىرنەشە حالىقتىڭ مادەنيەتىن ءتىل ارقىلى سالىستىرا وتىرىپ، ءدىنىن، دۇنيەتانىمىن، مادەنيەتىن ءتۇسىنۋدىڭ ماڭىزى زور.
بۇل وقۋلىقتار – وزگە ۇلت وكىلدەرىمەن جۇمىس جاسايتىن الەۋمەتتانۋشىلار، ديپلوماتتار، ەكونوميستەر ءۇشىن تاپتىرماس قۇرال بولماق. سونىمەن قاتار وقۋلىقتار عالىمدار مەن ءبىلىم الۋشىلاردى عىلىمي اقپاراتتارمەن قامتىپ، عىلىم ءتىلى كوكجيەگىنىڭ كەڭەيۋىنە جول اشارى ءسوزسىز. ەڭ باستىسى وقىرمانداردىڭ اقپاراتتى قازاق تىلىندە الۋىنا مۇمكىندىك بەرىپ، قازاقتىڭ عىلىمي ءتىلىنىڭ دامۋىنا ۇلەس قوساتىنى ءبىزدى قۋانتادى.
جاڭا وقۋلىقتار الداعى ۋاقىتتا جاستاردىڭ جۇيەلى ءبىلىم الۋىنا نەگىز بولادى. جوبانى جۇزەگە اسىرۋ جاس مامانداردى دايارلاۋدا جاڭا ساپالىق كەزەڭگە شىعۋعا مۇمكىندىك بەرەدى. جاڭا وقۋلىقتار بويىنشا ءبىلىم الاتىن ستۋدەنتتەرىمىز ءبىلىم سالاسىنداعى جاћاندىق باسەكەلەرگە توتەپ بەرەتىندىگىنە سەنىمدىمىن.
ساۋلە انۋار، حالىقارالىق قازاق-قىتاي ءتىل كوللەدجىنىڭ حالىقارالىق قاتىناس جانە جۇڭگو ءتىلىن وقىتۋ جونىندەگى ديرەكتوردىڭ ورىنباسارى، PhD دوكتور
