100 جاستاعى الماتى تۇرعىنى رەفەرەندۋمدا داۋىس بەردى، دەپ حابارلايدى Dalanews.kz.
ناۋرىزباي اۋدانىنداعى ۋچاسكەگە عاسىر جاساعان تۇرعىن كاميلا قوسىمايەۆا كەلدى. بيىل ول 101 جاسقا تولادى.
جاسىنا قاراماستان كاميلا قوسىمايەۆا شوبەرەسىمەن بىرگە سايلاۋ ۋچاسكەسىنە كەلىپ، داۋىس بەرۋگە قاتىسقان.
كاميلا قوسىمايەۆا - ۇلى وتان سوعىسى جىلدارى ەل يگىلىگى ءۇشىن تەر توككەن بۋىننىڭ وكىلى. ونىڭ ايتۋىنشا، ەل ءۇشىن ماڭىزدى وقيعالاردىڭ ەشقايسىنان قالماۋعا تىرىسادى.
"ءاردايىم داۋىس بەرۋگە كەلۋگە تىرىسامىن. ءار ادام قاتىسىپ، تاڭداۋ جاساۋى كەرەك دەپ ەسەپتەيمىن"، - دەدى ول.
