بۇگىنگى تاڭدا 4 ميلليوننان  استام قازاقستاندىق ءۇي سالۋ ءۇشىن مەملەكەتتەن تەگىن بەرىلەتىن 10 سوتىق جەر تەلىمىنىڭ كەزەگىندە تۇر. نەگىزى، تەگىن جەر تەلىمىن الۋعا باسىندا ءۇيى نەمەسە جەر تەلىمى بارىنا قاراماستان كامەلەتكە تولعان كەز كەلگەن قازاقستان ازاماتى ءوتىنىش تۇسىرە الادى. ال جەر تەلىمىن كەز كەلگەن وڭىردەن الۋعا بولادى. وعان تۇرعىلىقتى مەكەنجايدىڭ قاتىسى جوق. مۇنداي جەر تەلىمىن الىپ جاتقان جاعدايدا ءۇش جىل ىشىندە ول اراعا ءۇي سالۋ كەرەك بولادى، ايتپەسە ونى مەملەكەت قورعا اۆتوماتتى تۇردە قايتارادى. جەر تەلىمى، الدىمەن جالعا بەرىلەدى. تەك دايىن ءۇيدىڭ قۇجاتى شىققاندا عانا ول جەكەمەنشىك يەلەگىنە وتەدى، دەپ حابارلايدى Dalanews.kz.

Krisha.kz بۇل رەتتە ءار ايماقتان تىڭ مالىمەتتەر جيناپ، وقىرماندار نازارىنا ۇسىنىپ وتىر. وندا كەزەك جىلدامىراق قوزعالاتىن وڭىرلەر انىقتالىپ، كەرىسىنشە تەگىن جەر تەلىمىن الۋعا 10-15 جىل كەتەتىن ايماقتاردىڭ دا اتى اتالادى.  

2025 جىلعى 10 سوتتىق تەگىن جەر تەلىمىنىڭ كەزەگى

كۇن وتكەن سايىن بۇل كەزەكتىڭ كولەمى وسە تۇسۋدە. 2024 جىلى رەسمي مالىمەتتەرگە سايكەس، بۇل كەزەكتەگى ادام سانى 3.9 ميلليون بولسا، ال ءقازىر ولاردىڭ 4 ميلليوننان اسىپ جىعىلادى. وڭىرلىك جەر قاتىناستارى باسقارمالارى جولدانعان رەسمي ساۋالدارعا بەرگەن جاۋاپتارىنداعى دەرەكتەرگە سۇيەنسەك، ەڭ ۇلكەن كەزەك الماتى وبلىسىندا قالىپتاسىپ وتىر: 1.2 ملن-نان استام.

ۇزىن-سونار كەزەك بويىنشا ۇزدىك 5 ايماق:

1. الماتى — 1 284 488 ادام
2. تۇركىستان — 469 300.
3. اقمولا — 316 342.
4. اقتوبە — 202 723.
5. اتىراۋ — 168 140.

قالالاردا تەگىن جەر تەلىمىنەن ءۇمىتتى قانشا ادام بار:

• شىمكەنت — 280 302.
• استانا - 247 795.
• اتىراۋ — 133 778.
• تاراز — 130 477.
• ورال — 110 140.
• سەمەي - 32 220.
• كوكشەتاۋ — 32 095.

ادام كەزەگى ەڭ ازىنا ۇلىتاۋ وبلىسى جاتادى: 16 647 ادام. ودان كەيىن:

• اباي وبلىسى - 35 مىڭ
• شقو-45.7 مىڭ؛
• پاۆلودار وبلىسى — 59 مىڭ.

2025 جىلى قانشا جەر تەلىمى بولىنەدى

وڭىرلىك جەر قاتىناستارى باسقارماسىنىڭ 2025 جىلدىڭ 1 ماۋسىمىندا ۇسىنعان دەرەكتەرى، krisha.kz

بۇل - اكتيۆىندە جەر تەلىمى بار ءارى ونى بولۋگە دايىن وڭىرلەر.

10 سوتىق تەگىن جەر تەلىمى قاي جاقتا بەرىلىپ جاتىر

اقمولا وبلىسىندا كەزەكتە تۇرعاندارعا بۇلاندى اۋدانى ماكينسك قالاسىندا دايىن ۋچاسكەلەر بار.

تۇركىستان وبلىسىندا تۇلكىباس، جەتىساي، سوزاق جانە كەلەس اۋداندارىندا ۋچاسكەلەر بولۋگە دايىندالۋدا. ايتپاقشى، 2018 جىلدان باستاپ مۇندا 17 مىڭنان استام جەر تەلىمى بەرىلدى، ياعني جىل سايىن ورتا ەسەپپەن 2 مىڭنان استام ۋچاسكە بەرىلەدى.

تارازدا كوممۋنيكاسيالار جۇرگىزىلگەننەن كەيىن اسقاروۆ كوشەسىنىڭ تۇبىندە ورنالاسقان تۇرعىن الابىندا 524 ۋچاسكە جانە حامۋكات الابىنا 341 ۋچاسكە ءبولۋ جوسپارلانۋدا.

قاي وڭىرلەردە ءبولۋ ءۇشىن جەر تەلىمدەرى قاراستىرىلىپ جاتىر

كەيبىر ايماقتاردا دايىندىق جۇرگىزىلۋدە: ۋچاسكەلەرگە كوممۋنيكاسيالار تارتىلىپ، ساياجايلار تەلىمدەرى بىرىكتىرىلىپ، جەر تەلىمدەرىن قايتا راسىمدەپ، ولاردىڭ نىسانالى ماقساتىن وزگەرتۋدە. ونسىز ۋچاسكەلەردى بەرۋ مۇمكىن ەمەس.

ماسەلەن، الماتى وبلىسىندا 10 سوتىق جەر تەلىمىن تاراتۋ ءۇشىن جالپى اۋدانى 123 گەكتار بولاتىن 23 ساياجاي القابىن قوسۋ جوسپارلانۋدا.

ۇلىتاۋ وبلىسىندا ساتبايەۆ قالاسىنداعى بايقوڭىر شاعىن اۋدانىندا وسى ماقساتقا جاڭاارقا اۋدانىندا 150 ۋچاسكەدەن جەر تەلىمدەرى دايىندالۋدا.

سەمەيدە جەر تەلىمدەرىن تاراتۋ ءۇشىن جالپى اۋدانى 4.5 مىڭ گەكتاردى (شامامەن 17.5 مىڭ ۋچاسكە) قۇرايتىن 10 تۇرعىن الابى انىقتالدى:

1. اقساي.
2. سۋىق بۇلاق.
3. بوبروۆكا.
4. جارقىن.
5. اق قايىن.
6. جىبەك جولى.
7. كىشى اقتوبە.
8. ستەپنوي.
9. قىزىل كوردون.
10. ۆودنىي.

سونداي-اق تاعى 42 گەكتار جەر كۋرچاتوۆ قالاسىنان قاراستىرىلۋدا.

استانا مەن الماتىدا 10 سوتىق جەر تەلىمىن تەگىن الۋعا بولا ما؟

مەگاپوليستەردە، استانا مەن الماتىدا بۇرىننان بوس جەر تەلىمدەرى جوقتىڭ-قاسى.

استانادا ءۇي سالۋ ءۇشىن جەر تەلىمىنە دەگەن سۇرانىس كولەمى باس جوسپاردىڭ جوبالىق قۋاتتىنان 25 ەسە اسادى، دەلىنگەن باسقارمانىڭ رەسمي جاۋابىندا.

شىمكەنتتە كەزەك 2008 جىلدان بەرى قوزعالماي سىرەسىپ تۇر.

تيەسىلى تەگىن 10 سوتىق جەر تەلىمىن الۋ ءۇشىن قانشا ۋاقىت كۇتۋ كەرەك؟

ۋاقىتقا قاتىستى رەسمي اقپارات جوق، تەك شامامەن الىنعان مىنانداي مالىمەتتەر بار:

• باتىس قازاقستان وبلىسى: 5-10 جىل.
• قاراعاندى وبلىسى: 10-15 جىل.
• اقتوبە وبلىسى: 8-12 جىل.

كۇتۋ مەرزىمى تەك ايماققا عانا ەمەس، بەلگىلى ءبىر ەلدىمەكەنگە دە بايلانىستى.

مىسالى، اقمولا وبلىسىندا كوممۋنيكاسيالار جۇرگىزىلگەننەن كەيىن 2021 جىلعى كەزەكتە تۇرعاندارعا مىنا اۋدانداردان جەر تەلىمىن ءبولۋ جوسپارلانىپ وتىر:

ءبىرجان سال، بۇلاندى، ەگىندىكول، ەسىل، جاقسى، جارقايىڭ، ساندىقتاۋ، قورعالجىن.

وبلىستىڭ باسقا اۋداندارىندا جەر كەزەگىندە تۇرعاندارعا جەر تەلىمىن تاراتۋ 2004-2007 جىلدارى جۇرگىزىلگەن.

اتىراۋ وبلىسىندا بيىلعى جىلى 1999-2006 جىلدارى كەزەكتە تۇرعاندارعا جەر تەلىمى بولىنەدى.

كەزەكتىڭ باياۋ ءجۇرۋىنىڭ باستى سەبەبى – ينفراقۇرىلىمعا قاتىستى تۋىنداعان قيىندىقتار.

10 سوتىق تەگىن جەر تەلىمىن الۋ ءۇشىن كەزەككە قالاي تۇرۋعا بولادى؟

ول ءۇشىن EGOV نەمەسە eGov Mobile ءموبيلدى قوسىمشاسى ارقىلى ءوتىنىش بەرە الاسىز:

• "جىلجىمايتىن مۇلىك" بولىمىندە "جتق ءۇشىن جەر ۋچاسكەسىن الۋعا كەزەككە قويۋ" دەگەن بولىكتى تاڭداڭىز.
• ايماقتى تاڭداڭىز، ءوتىنىش ءتۇرىن كورسەتىڭىز - "كەزەككە قويۋ".

ماڭىزدى جايت: تەگىن جەر تەلىمىن الۋعا ءبىر-اق رەت قۇقىق بەرىلەدى.

كەزەكتە نەشىنشى تۇرعانىڭىزدى ءبىلۋ ءۇشىن EGOV نەمەسە ءموبيلدى قوسىمشادا "بۇرىن بەرىلگەن وتىنىشتەردى وزەكتەندىرۋ" باتىرماسىن باسۋ ارقىلى تەكسەرۋگە بولادى.