ەلدەگى جاپپاي تارتىپسىزدىكتەر كەزىندە كوپتەگەن ادامنىڭ قايتىس بولۋىنا بايلانىستى ق ر پرەزيدەنتى قاسىم-جومارت توقايەۆ 10 قاڭتاردى جالپىۇلتتىق ازا تۇتۋ كۇنى دەپ جاريالادى.
بۇگىن قازاقستان بويىنشا مەملەكەتتىك تۋلاردىڭ بارلىعى تومەن تۇسىرىلەدى. وسىلايشا بۇلىك كەزىندە قازا تاپقان بەيبىت تۇرعىندار مەن اسكەريلەر، پوليسيا وكىلدەرى مەن قۇقىق قورعاۋ قىزمەتكەرلەرىنە قۇرمەت كورسەتىلەدى.
كەيىنگى كۇندەرى بولعان قاقتىعىستار كەزىندە قايتىس بولعان ازاماتتاردىڭ تۋعان-تۋىسقاندارى مەن وتباسىلارىنا مەملەكەت باسشىسى قاسىم-جومارت توقايەۆ كوڭىل ايتقان بولاتىن.
– الماتىدا سودىر-لاڭكەستەردىڭ قولىنان اكىمشىلىك عيماراتتار عانا ەمەس، بەيبىت تۇرعىنداردىڭ مۇلكىنە دە زالال كەلدى. سونداي-اق جۇزدەگەن بەيبىت تۇرعىن مەن اسكەري قىزمەتشىنىڭ دەنساۋلىعى مەن ومىرىنە قاتەر ءتوندى. وسى تراگەديالار كەزىندە قايتىس بولعانداردىڭ وتباسىنا كوڭىل ايتامىن، – دەدى پرەزيدەنت.
سونداي-اق مەملەكەت باسشىسى قاسكويلىككە بارعان ادامداردىڭ ءبارى قاتاڭ جازالاناتىنى ايتتى.
– ءبىزدىڭ تاريحىمىزداعى وسى ءبىر قيىندىقتى تەز ارادا ەڭسەرەتىنىمىزگە ەشقانداي كۇمان جوق. ەڭ باستىسى، بولاشاقتا مۇنداي وقيعالاردىڭ قايتالانۋىنا جول بەرمەۋ كەرەك. مەن قۇرعان ۆەدومستۆوارالىق توپ سودىرلار مەن لاڭكەستەردى ىزدەۋمەن جانە ولاردى ۇستاۋمەن اينالىسادى. ولاردىڭ ءبارى قاتاڭ قىلمىستىق جاۋاپكەرشىلىككە تارتىلادى دەپ ازاماتتارىمىزعا ۋادە بەرەمىن. بارشا قازاقستاندىقتان وتىنەرىم، ساقتىق تانىتىپ، بارىنشا قىراعى بولىڭىزدار. كۇماندى ادامداردىڭ قانداي دا ءبىر كۇدىك تۋدىراتىن بەلسەندى ارەكەتىن بايقاساڭىز، قۇقىق قورعاۋ ورگاندارى مەن جەدەل جەلىلەرگە حابارلاڭىزدار، – دەدى ق.توقايەۆ. ەسكە سالساق، ماڭعىستاۋ وبلىسىنىڭ جاڭاوزەن قالاسىندا باستالعان بەيبىت شەرۋگە قازاقستاننىڭ وزگە وڭىرلەرى دە قوسىلىپ، ونىڭ ارتى سودىرلاردىڭ ىلاڭىنا ۇلاسقان بولاتىن. جاعداي ۋشىققاندىقتان 5 قاڭتار كۇنى پرەزيدەنت قاسىم-جومارت توقايەۆ الماتى قالاسى مەن ماڭعىستاۋ وبلىسىندا توتەنشە جاعداي رەجيمىن ەنگىزۋ تۋرالى جارلىققا قول قويدى. كەيىن قازاقستاننىڭ بۇكىل اۋماعى بويىنشا توتەنشە جاعداي رەجيمى ەنگىزىلدى. 7 قاڭتار كۇنى ق ر پرەزيدەنتىنىڭ كەلىسىمىمەن ق ر ۇلتتىق قاۋىپسىزدىك كوميتەتىنىڭ ءتوراعاسى – رەسپۋبليكالىق جەدەل شتاب باسشىسىنىڭ بۇيرىعىنا سايكەس قازاقستان رەسپۋبليكاسىنىڭ اۋماعىندا تەرروريستىك ءقاۋىپتىڭ شەكتى «قىزىل» دەڭگەيى جاريالاندى. ق ر ىشكى ىستەر مينيسترلىگىنىڭ سوڭعى دەرەگى بويىنشا الماتىداعى وقيعالارعا بايلانىستى سوتقا دەيىنگى 125 تەرگەۋ باستالعان. بۇل ىستەر كىسى ءولتىرۋ، بيلىك وكىلىنە زورلىق-زومبىلىق جاساۋ، قارۋلى شابۋىل، بۇزاقىلىق جانە ۇرلىق فاكتىلەرى بويىنشا قوزعالعان. ق ر ىشكى ىستەر مينيسترلىگى بۇلىكشىلەرمەن قاقتىعىستا قازا تاپقان پوليسەيلەردىڭ ءتىزىمىن جاريالادى. ءوز مىندەتىن ادال اتقارعاندار: تارازدىق پوليسيا قىزمەتكەرى كاپيتان سلانبەكوۆ راحات نۇرباي ۇلى؛ الماتى قالاسىنىڭ پوليسيا ستارشيناسى قامبەتوۆ رينات تالعات ۇلى؛ الماتى پوليسيا ءبولىمىنىڭ اعا سەرجانتى اسىلحانوۆ الەن مۇحيت ۇلى؛ پراپورششيك ەرجانوۆ ەربول تىلەۋبەك ۇلى؛ جامبىل وبلىستىق پوليسياسىنىڭ كىشى سەرجانتى الماسوۆ نۇربولسىن عاني ۇلى. ق ر ۇلتتىق قاۋىپسىزدىك كوميتەتى دە قىزمەتتىك بورىشىن اتقارۋ كەزىندە قازا تاپقان قىزمەتكەرلەردىڭ ءتىزىمىن جاريالادى. «ق ر ۇلتتىق قاۋىپسىزدىك كوميتەتى قاڭتار ايىنداعى وقيعالار سالدارىنان قىزمەتتىك بورىشىن اتقارۋ كەزىندە قازا تاپقان ۇلتتىق قاۋىپسىزدىك ورگاندارى قىزمەتكەرلەرىنىڭ وتباسىلارىنا، تۋعان-تۋىسقاندارى مەن جاقىندارىنا قايعىرىپ، كوڭىل ايتادى، – دەلىنگەن كوميتەت حابارلاماسىندا.
قازا تاپقان قىزمەتكەرلەردىڭ ءتىزىمى:
- ق ر ۇقك شەكارا اكادەمياسىنىڭ كافەدرا باستىعى اندرەي كابدينوۆ؛
- جامبىل وبلىسى بويىنشا ۇلتتىق قاۋىپسىزدىك كوميتەتى دەپارتامەنتى تەرروريزمگە قارسى ورتالىق ءبولىمىنىڭ باستىعى داستان ءادىلباي؛
- ق ر ۇقك شەكارا اكادەمياسىنىڭ اعا وفيسەرى جاندوس جاعالبايەۆ؛
- ءاقبب كىشى جەدەل ۋاكىلى ءادىل نۇركەنوۆ؛
- ق ر ۇقك شەكارا اكادەمياسىنىڭ كۋرسانتى جايىق ءادىلقان؛
- ق ر ۇقك شەكارا اكادەمياسىنىڭ كۋرسانتى مەيىرحان ءبىتىم؛
- ق ر ۇقك شەكارا اكادەمياسىنىڭ كۋرسانتى داۋلەت جۇپاربەكوۆ.
ق ر ىشكى ىستەر مينيسترلىگىنىڭ سوڭعى دەرەگى بويىنشا الماتىداعى وقيعالارعا بايلانىستى 125 سوتقا دەيىنگى تەرگەۋ باستالعان. «بيلىك وكىلدەرىنە قاتىستى كۇش قولدانۋ، بۇزاقىلىق، كىسى ءولتىرۋ، سونداي-اق قاراقشىلىق شابۋىلدار مەن ۇرلىقتىڭ بارلىق فاكتىلەرى بويىنشا سوتقا 125 دەيىنگى تەرگەۋ باستالدى. 5 مىڭنان استام ادام ۇستالدى»، - دەدى ءمينيستردىڭ مىندەتىن اتقارۋشى ەرلان تۇرعىمبايەۆ.
