الماتىدا جٷرگٸزٸلٸپ جاتقان قۇرىلىس-مونتاج جۇمىستارى جاڭا وقۋ جىلى باستالعانعا دەيٸن تولىق اياقتالمايدى. وسىعان بايلانىستى قالا پوليتسيياسى جول قوزعالىسىن رەتتەۋ ٷشٸن قوسىمشا شارالار قابىلداماق, دەپ حابارلايدى dalanews.kz.
بۇل تۋرالى الماتى قالاسى پد قوعامدىق قاۋٸپسٸزدٸك باسقارماسىنىڭ باستىعى تيمۋر نوعايباەۆ مەلٸمدەدٸ.
ونىڭ ايتۋىنشا, 1 قىركٷيەك قارساڭىندا قالا كٶشەلەرٸندەگٸ كٶلٸك جٷكتەمەسٸ ايتارلىقتاي ارتادى.
– جٷكتەمە ٶتە جوعارى بولادى. جول قوزعالىسى قاۋٸپسٸزدٸگٸن قامتاماسىز ەتۋ ٷشٸن پروبلەمالى قيىلىستارعا جاياۋ پاترۋلدەر قويىلادى. سونىمەن قاتار پاترۋلدٸك پوليتسييا جاساقتارى كٷشەيتٸلگەن رەجيمدە جۇمىس ٸستەپ, قالاعا كٸرەبەرٸستەردە دە كەزەكشٸلٸك اتقارادى, – دەدٸ ول.
نوعايباەۆتىڭ سٶزٸنشە, قازٸرگٸ ۋاقىتتا باعدارشامداردىڭ جۇمىس رەجيمٸن قايتا باپتاۋ جوسپارلانىپ وتىرعان جوق. الايدا كٶلٸك كەپتەلٸسٸ تۋرالى سيگنالدار تٷسسە, كەزەكشٸ بٶلٸمنٸڭ قىزمەتكەرلەرٸ بەينەباقىلاۋ جٷيەلەرٸ ارقىلى جاعدايدى باقىلاپ, جەكەلەگەن قيىلىستارداعى كٶلٸك اعىنىن رەتتەۋ شارالارىن قابىلدايدى.
پوليتسييا ٶكٸلدەرٸ جاڭا وقۋ جىلى باستالار الدىندا جٷرگٸزۋشٸلەرگە جولداعى ۋاقىتشا شەكتەۋلەر مەن قۇرىلىس جۇمىستارىنا بايلانىستى باعىتتارىن الدىن الا جوسپارلاۋعا كەڭەس بەردٸ.
