Астана тұрғынына TikTok желісінде ұлтаралық араздықты қоздыру бабы бойынша қылмыстық іс қозғалды, деп хабарлайды Dalanews.kz.
“Бұл факті бойынша қылмыстық іс тіркелді. Қамауға алынған азамат тергеу изоляторына қамалды. Тергеу жүргізілуде”, - делінген хабарламада.
Экстремизмге қарсы күрес басқармасының қызметкерлері интернет мониторингі барысында Астана тұрғынының TikTok-қа тікелей эфир арқылы ұлтаралық араздықты қоздыруға бағытталған бейнемазмұнын анықтады.
Сараптама қорытындысына сәйкес, жарияланған бейнемазмұнда ұлтаралық араздықты қоздыру, қазақ ұлтының азаматтарының ұлттық қадір-қасиетіне тіл тигізу, сондай-ақ қоғам мен мемлекеттің тұрақтылығына нұқсан келтіруге бағытталған белгілер бар екені анықталды.
