Шығыс өңіріндегі Тарбағатай ауданы «Таза Қазақстан» деп аталған республикалық экологиялық акцияға белсене қатысып жатыр.
Аудан басшысы ең таза ауылға 10 миллион теңге мөлшерінде сыйақы бермек, деп хабарлайды Dalanews.kz.
Сондай-ақ экологиялық акция қорытындысы бойынша «Ең таза көше» және «Ең үлгілі аула» аталымының иегерлері анықталады.
«Ауылдық округ әкімдеріне тұрғындар мен еріктілерді ұйыстыра отырып «Таза Қазақстан» акциясы аясында елді-мекендерді, көшелерді, саябақтары мен алаңдарды, жайылымдарды тазалап, өзен-көлдердің жағалауына сенбіліктер ұйымдастыру жөнінде тапсырма берілген. Үйлерінің қасбетін әктеп, сыртқы қақпасы мен қоршауын түзу орнатқан, сырлаған, арықтардың жиегін түзу тартқан, көшелері тазалап, күл-қоқысты шығарған, ағаштардың түбін әктеген, гүлдер отырғызып ауланы әсемдеген ауыл тұрғындарының 10 миллион теңге ұтып алып, қаражатты ауылды абаттандыруға мүмкіндіктері бар», - деп жазылған ауданы әкімдігі ресми парақшасында.
