Айта кетсек, жантүршігерлік атыс 31 наурыз күні сағат 8:00 шамасында болды. Алматы облысы қорғаныс істері департаменті басшысының орынбасары Асқар Оспанов басшысы Бердібек Берістемовті атып тастаған.
“Қызметтік бөлмесінде Алматы облысы қорғаныс істері жөніндегі департаментінің бастығы, полковник Б.Б.Берістемов атып өлтірілді. Күдікті ретінде оның орынбасары подполковник А.С.Оспанов ұсталды”, — делінген бұл ретте ведомства хабарламасында.
Оқиғаға қатысты ҚР ҚК 99-бабы 1-бөлімімен “Кісі өлтіру” бойынша қылмыстық іс қозғалды.
Тергеу амалдары басталып кетті.
Бұдан бұрын Талдықорғандағы әскери коммиссариат ғимаратында атыс болғаны, әлеуметтік желіде оқиға орнынан түсірілген видеолар жарияланғаны туралы хабарланған болатын.
