Бүгін Өскемендегі № 21 сайлау учаскесіне нағыз маңызды қонақ келді. 98 жастағы соғыс ардагері Құрмат Рахимов өзінің азаматтық ұстанымын білдіру үшін сайлау учаскесіне өзі баруға шешім қабылдады.
II дәрежелі "Отан соғысы" орденінің иегері, "Багратион" операциясының қатысушысы, Кенигсбергтің шабуылының батыры, Шекара қызметінің ардагері, отставкадағы ІІМ полковнигі және жасына қарамастан әлі де батыл сарбаз. Құрмат Рахимұлы сайлауға қатысуға үлкен мән береді. Өйткені, оның пікірінше, азаматтық бостандық пен сайлау құқығы – ол қанмен келген Ұлы Жеңістің тікелей жалғасы.
– Біз бұл күн үшін, өз елімізді құру үшін, әділ қоғамда өмір сүру және құқықтарға ие болу үшін күрескенбіз. Егер сіз қоғамның тағдырына қатыспасаңыз, сіз тұратын елге қызығушылық танытпасаңыз – онда неге соғысу керек еді? – деп ардагер сұрақ қойды.
Өскеменде дауыс беруге барлығы 12 соғыс ардагері мен 3661 тыл еңбеккері қатысты. Олардың кейбіреулері учаскелерге өздері келді. Басқаларға сайлау жәшіктері тұрғылықты мекенжайы бойынша жеткізілді.
