ҚР Ұлттық статистикалық бюросы 2025 жылдың І-тоқсанының қорытындысы бойынша еліміздегі жалақыға қатысты есеп-қисапты ұсынды, деп хабарлайды Dalanews.kz.
2025 жылғы I тоқсанда бағалау бойынша жалақының медианалық мәні (жалақы қатарының орталық деңгейі) 300 307 теңгені құрады.
"Ал кәсіпкерлік қызметпен айналысатын шағын кәсіпорындарды есепке алмағандағы атаулы жалақының орташа мәні 2025 жылғы I тоқсанда 423 133 теңге болды, бұл былтырғы тиісті тоқсанмен салыстырғанда 10,7% артық", - дейді ұлттық бюро.
2024 жылғы І тоқсанмен салыстырғанда орташа айлық жалақының ең жоғар өсімі мына салаларда тіркелді:
- ақпарат және байланыс – 31,3%,
- ауыл, орман және балық шаруашылығы – 17,3%,
- өнер, ойын-сауық және демалыс – 16,1% салаларында байқалды.
Денсаулық сақтау және халыққа әлеуметтік қызмет көрсетуде – 6,2%, білім беруде орташа айлық жалақы көлемі 6,1% өсті.
2024 жылдың тиісті тоқсанымен салыстырғанда 2025 жылдың I-тоқсанында орташа айлық атаулы жалақының ең көп өсімі мына өңірлерде тіркелді:
- Ұлытау облысында –19,4%,
- Қостанай облысында – 14,6%,
- Алматы қаласында – 14,2%,
- Павлодар облысы - 13,5%.
Бұған дейін сайтымызда "Өтірік статистиканы доғарыңыздар! Жастар жұмыссыз жүр - депутат Аралбайұлы" деген мақала жарияланған болатын.
