Бала алғашқы сөздерді айта бастағаннан-ақ, ата-анасы ерекше шешендікке ие, ақылды және құрметті адамды қонаққа шақырады. Ол сәбимен бірге арнайы рәсім жасап, балаға таныс сөздерді айтып және қайталағанда ата-анасы «Баланың тілі шықты» деп ырымдап «Тілашар» тойын жасайды.
Бүгін бұл дәстүр біздің орталығымызда да өтті. Біздің мамандармен бірге қиын жолдан өтіп, алғашқы сөздерді айта бастаған балаларды және олардың ата-аналарын салтанатты түрде құттықтаймыз.
Бұл іс-шараға 16 жылдан бері қор жұмысына белсенді түрде көмектесіп келе жатқан және оны құрылуына үлес қосқан меценат Бауыржан Исабаев қатысты.
– Біздің корпоративтік қор төртінші жыл қатарынан Жұлдызай медициналық орталығында оңалтудан сәтті өткен балалардың өміріндегі алғашқы қадамдарына арналған «Тұсаукесер » рәсімін өткізді. Осы шараға қатысып, балаларымыздың жетістігін қуана-қуана көру мен үшін үлкен мәртебе. 4000-нан астам қызметкеріміз қолдайтын біздің корпоративті қорымыз бүгінгі күні балаларымыздың денсаулығы мен әл-ауқатының жолында қозғаушы күш болғанына қуаныштымын, – деді Б. Исабаев.
Іс-шарада мұғалімдердің, логопедтердің, дефектологтардың жұмыстарын көрсетті. Біздің орталық жыл сайын 3000-нан астам баланы сауықтырады. 713 операция өткізілді, «Тәлімгерлік» жобасының қолдауымен 130-дан астам бала «Тұсаукесер» рәсіміне қатысып, алғашқы қадамдарын жасады.
