Қабылдау барысында жұмысқа орналасу, білім мен медициналық көмек алу, тұрғын үй бағдарламаларына қатысу мәселелер көтерілді.
Елорда тұрғынының айтуынша, балаларды оңалту мәселесі маңызды мәселе екені айтылды. Балаларды оңалтудағы тиімді әдістердің бірі – бұл бассейндегі сабақтар десек болады. Ата-аналар бассейінде «Балалар құлаудан қорықпай, жаңа қозғалыс дағдыларын жылдам меңгере алатынын» деп атап өтті. Елорда әкімі Алтай Көлгінов бұл бағыттағы көмектің маңыздылығы қолдап өз ойын айтты.
– Біз ерекше қажеттіліктері бар балаларға білікті көмек көрсетумен айналысатын үкіметтік емес ұйымдардың өкілдерімен, дәрігерлермен, әлеуметтік қызметкерлермен бірнеше рет кездестік. Ұсыныстарын тыңдададық. Өз тарапымыздан қажетті көмек-қолдауды аямаймыз. Бассейнде оңалту жаттығуларын жасататын сабақтарға қолдау көрсетеміз. Ерекше қажеттіліктері бар балаларды тәрбиелеп отырған ата-аналарға қосымша медициналық көмек көрсетіледі, – деді Алтай Көлгінов.
Кездесуде елорда әкімі тұрғындардың өтініштері бақылауға алынатынын да атап өтті. 8 ақпан (сенбі күні) «Жанұя» отбасы институтын қолдау орталығында «Ашық әкімдік» форматында ашық есік күні өтеді.
