Қазақстан мобильді интернет жылдамдығының әлемдік рейтингінде 23 сатыға көтерілді, деп хабарлайды Dalanews.kz.
Бұл туралы цифрлық даму министрлігінің баспасөз қызметі хабарлады.
Әлемдегі жетекші Ookla интернет жылдамдығын талдау компаниясының Speedtest Intelligence жаһандық мобильді индексіне сәйкес, Қазақстан бойынша мобильді деректерді жүктеудің медианалық жылдамдығы 2022 жылдың желтоқсанынан 2023 жылдың желтоқсанына дейін 35,07 Мбит/с-қа дейін, 61%-ға өсті.
Бұл әсерлі прогресс Қазақстанға бірден 23 позицияға көтеріліп, 2023 жылдың желтоқсанында Өзбекстанды (95-орын), Қырғызстанды (100-орын) және Тәжікстанды (141-орын) басып озып, 72-орынға шығуға мүмкіндік берді.
Айта кету керек, Қазақстан 4G желісінде мобильді деректерді орташа жүктеу жылдамдығы бойынша да Орталық Азияда көш бастап тұр. Осылайша, 2023 жылдың төртінші тоқсанында 4G жүктеп алудың медианалық жылдамдығы 28,26 Мбит/с құрады, бұл Орталық Азия елдері арасындағы ең жоғары көрсеткіш. Бұл жетістік Өзбекстан (23,09 Мбит/с), Қырғызстан (26,76 Мбит/с) және Тәжікстанның (11,15 Мбит/с) нәтижелерінен асып түседі.
Орталық Азия аймағындағы 4G жүктеп алудың ең жоғары орташа жылдамдығы Алматыда тіркелді – 32,32 Мбит/с, бұл Қазақстанның ұялы байланысты дамытудағы жетекші орнын растайды. Сонымен қатар, Қазақстанның миллионнан астам қалалары, атап айтқанда Астана мен Шымкент 4G жүктеп алу жылдамдығын көрсетеді, бұл елдегі мобильді инфрақұрылымның жоғары дамуын растайды және аймақта жаңа стандарттарды белгілейді.
Естеріңізге сала кетейік, бұған дейін Қаскелеңде интернеттің нашарлығы үшін Tele 2 және Altel компанияларына 11 миллион теңге айыппұл салынған болатын.
