Желіде жалт-жұлт етіп жүретін блогер Алмас Тоқабаев өзінің Фейсбук парақшасында алыс Америкада орын алып жатқан жағдай турасындағы ойын ортаға салып, «Американы ұлы қылуды» ойлаған Трамптың саясатына қатысты ойын былайша тәпсірлепті.
– Трамп келе сала трампылдатқанына куә болдық. Мақсаты «Американы ұлы қылу» екен. Келген бетті заңсыз мигранттарды қуды, басқаларға есікті тарс жапты. АҚШ халқының есіне «Еркекті еркек, әйел әйел» деп атау керек екенін ескертті. Бұл аз десеңіз, Қытаймен сауда соғысын тұтатып жіберді. Осының бәрі бір-ақ күнде жүзеге асырған, Трамп нағыз ер екен.
Айналасына кіл бай-манапты жинап алған. Илон Маск бастаған жеті-сегіз милиардер жүр. Әрқайсы бір жауапты саланың тізгінін ұстап үлгерді.
Солардың арасында картопты жарған Илон көке болды.
Ол атынан ат үркетін USAID ұйымын бір твитпен жауып тастады. Онысымен қоймау «Бұл қылмыстық ұйым» деп баға беріп, бірақ кесті.
USAID-тің ЛГБТ мен Әл-Каидаға дейін ақша шашқанын айдай әлемге әшкере қылды. Ішінде біз де бармыз.
Байқайсаңыз, біздегі гей, трансвеститтердің ұйымдары USAID-тың арқасында іші майланып жүрген еді. Енді транс һәм гей болудың тиімділігі трендтен қалатыны анық.
Трампқа қайта ораласқа, USAID-тың басын алған АҚШ президенті енді USAGM-ді есекке тіріс мінгіуі мүмкін. Бұл – «Америка дауысы», «Азат Еуропа» сияқты БАҚ-ты қаржыландыратын ұйым ғой.
Илон көке тұрды да «Еуропаны біреу басып алған жоқ, өздері азат континент, жабу керек» деп өзінің Х желісінде ашып айтты. «Азат Еуропаның» Прага бюросына біздің және Орталық Азияның Азаттық радиолары қарайтыны белгілі. Айтпақшы, олардың айлығы доллармен төленетінін білеміз ғой. Бірақ олар тәуелсіз...
Илон Маск енді бұл бәлені тоқтатса елдегі трансвеститтер мен «тәуелсіз журналистердің» лакшери өмірі қалай өзгеретінін көз алдымыға елестете алмай отырмыз. Олар үшін енді жылыжайлық жағдай келмеске кеткені анық, – дейді бура блогер Алмас Тоқабаев.
