Ақтөбе облысында "Қазхром ТҰК" АҚ-ға қарасты Дөң тау-кен байыту комбинатында жарылыс орын алып, төрт жұмысшы күйік шалды. Аталған іс бойынша қылмыстық іс қозғалды, деп хабарлайды Dalanews.kz.
Оқиғаның мән-жайы
28 ақпанда кәсіпорын аумағында сутегі таралып, соның салдарынан кен орнында қысқа мерзімді жану процесі болған. Ақтөбе облысы әкімдігінің мәліметінше, төтенше жағдайдан зардап шеккен төрт қызметкерге медициналық көмек көрсетіліп, олар дәрігерлердің бақылауында.
Қылмыстық іс қозғалды
Оқиғаға байланысты полиция «тау-кен немесе құрылыс жұмыстарын жүргізу кезінде қауіпсіздік талаптарының бұзылуы» фактісі бойынша қылмыстық іс қозғады.
"Қазхром ТҰК" АҚ Дөң тау-кен байыту комбинатында сутегін шашылып, салдарынан термиялық күйікпен 4 адам ауруханаға жеткізілді. Полиция тау-кен немесе құрылыс жұмыстарын жүргізу кезінде қауіпсіздік ережелерін бұзу фактісі бойынша қылмыстық істі тіркеді", - деді Асауп Бауыржан ПД Тергеу басқармасының бастығы.
Кәсіпорын ресми мәлімдеме жасады
Дөң тау-кен байыту комбинаты да бұл ақпаратты растады. Кәсіпорын өкілдерінің айтуынша, оқыс оқиға «Болашақ» шахтасындағы бұрғылау жұмыстары кезінде орын алған.
"Қысқа мерзімді жану салдарынан төрт қызметкер күйік алып, дереу ауруханаға жеткізілді. Барлық зардап шеккендерге қажетті медициналық көмек көрсетілуде. Оқиғаның нақты себептері анықталуда. Тергеу аяқталғанға дейін шахтадағы кен өндіру жұмыстары уақытша тоқтатылды", – делінген комбинаттың ресми хабарламасында.
