Жиында Қасым-Жомарт Тоқаев жағдай жақсарған сайын әр кезеңде карантиндік шектеулер біртіндеп алынатынын атап өтті, деп хабарлайды Dalanews.kz.
"Алматы облысының әкімдігі осыған байланысты басқа облыстармен және Алматы қаласымен шектесетін жерде орнатылған блок-бекеттерді алып тастау ақылға қонымсыз деп санайды.
Сонымен қатар, облыс аудандарының шекарасында қойылған санитарлық посттар да сақталады.
Дегенмен, қазіргі уақытта Алматы облысының бас мемлекеттік санитарлық дәрігері қай аудандарда карантиндік режимнің жұмсартылатынын анықтайтын жаңа қаулы әзірлеуде", деп хабарлады облыс әкімдігінің баспасөз қызметі.
"Осыған байланысты біз Алматы облысының тұрғындары мен қонақтарынан осыған дейін талап етілген барлық ережелерді сақтап, сабырлы болуды сұраймыз", - деп сөзін толықтырды департаменттегілер.
