– Мемлекет басшысының тапсырмасын орындау шеңберінде ағымдағы жылдың 1 шілдесінен бастап Мемлекеттік әлеуметтік сақтандыру қорынан төленетін мүгедектік және асыраушысынан айырылу жағдайы бойынша төленетін әлеуметтік төлемдердің мөлшері 14,5%-ға артады, – делінген жұма күнгі хабарламада.
Үкіметтің тиісті қаулысына ҚР Премьер-Министрі Әлихан Смайылов қол қойды.
Мүгедектігі бойынша әлеуметтік жәрдемақыны көбейту 92 мыңға жуық алушыны және асыраушысынан айрылған 61 мың отбасын қамтитын болады.
