"Өткен жылы 11,2 миллион шаршы метр баспана қолданысқа берілді. Бұл бұрын-соңды болмаған рекордтық көрсеткіш. Бірақ сонда да халыққа баспана жетпей жатыр. Талай отбасы әлі де үйсіз жүр", — деген Назарбаев «7-20-25» деген бағдарлама ұсынды.
"Мен «7-20-25» деген бағдарламаны іске қосуды ұсынамын. Сонда жұмыс істейтін әрбір қазақстандық ипотекалық несие ала алады. Талабы мынадай:
несие бойынша сыйақы ставкасы қазіргідей 14-16 емес, жылына 7 пайыздан аспайды. Қазір банктер бастапқы жарнаға 30 пайызға дейін алса, осы бағдарлама бойынша алдын-ала жарна 20 пайыздан аспайтын болады. Ал несие мерзімі 10-15 жыл емес, 25 жылға бірақ созылсын. Сонда ай сайынғы төлемдер аз болады",
— деп түсіндірді президент Назарбаев.
