2026 jyldyń basynan beri Qazaqstannyń memlekettik shekarasyndaǵy ótkizý beketterinde janar-jaǵarmai materialdaryn (JJM) zańsyz alyp ótýge qatysty 2,4 myńnan astam árekettiń joly kesildi, dep habarlaidy dalanews.kz.
Bul týraly Ulttyq qaýipsizdik komiteti Shekara qyzmetiniń baspasóz qyzmeti habarlady.
Vedomstvo málimetinshe, shekarashylar munai ónimderin el aýmaǵynan zańsyz shyǵarýǵa jol bermeý baǵytynda turaqty baqylaý júrgizip keledi. Sonyń nátijesinde jyl basynan beri benzin, dizel otyny, kerosin jáne ózge de munai ónimderin zańsyz tasymaldaýdyń 2400-den astam faktisi tirkelgen.
Tárkilengen janar-jaǵarmaidyń jalpy kólemi 300 tonnadan asqan. Al onyń aldyn ala eseptelgen quny shamamen 60 million teńgeni quraidy.
UQK málimetinshe, zań buzýshylyqqa qatysy bar tulǵalar qoldanystaǵy zańnamaǵa sáikes jaýapkershilikke tartylǵan.
