Qazaqstanda jyl basynan beri 250 myńǵa jýyq adam jumyspen qamtyldy, dep habarlaidy dalanews.kz.
Eńbek jáne halyqty áleýmettik qorǵaý ministrligi málimetinshe, 1 shildedegi jaǵdai boiynsha elimizde 249 598 adam jumysqa ornalastyrylǵan.
Jyl basynan beri 96 415 adam turaqty jumysqa ornalasty. Byltyrmen salystyrǵanda 30 myńnan asa adamǵa artqan. Búginde jumysqa ornalasqandardyń basym bóligi turaqty jumyspen qamtylyp, turaqty tabys pen tolyq áleýmettik kepildikterge ie bolyp otyr.
Sonymen qatar, ministrlik málimetinshe, eńbek naryǵy qurylymynda da oń ózgerister baiqalady. Buryn jumyspen qamtýdyń edáýir bóligi ýaqytsha jumys oryndarynyń úlesine tiesili bolsa, búginde basymdyq uzaq merzimdi jumyspen qamtýǵa berilip otyr. Ýaqytsha jumysqa ornalasqandar sany 115 960 adamnan 76 953 adamǵa deiin qysqarǵan.
Biylǵy birinshi toqsannyń qorytyndysy boiynsha jumyspen qamtylǵandar sany 9 mln 392 myń adamǵa jetip, jaldamaly jumyskerler qatary shamamen 150 myń adamǵa ulǵaiǵan. Jumyssyzdyq deńgeii - 4,5%, al jastar arasyndaǵy jumyssyzdyq deńgeii 3% deńgeiinde saqtalyp otyr.
