Jýrnalist Gúlnaz Aýdanbaeva áleýmettik jelide jariialaǵan videoúndeýinde Prezident Qasym-Jomart Toqaevqa, Aýyl sharýashylyǵy ministrine jáne Bas prokýrorǵa júginip, Qazaqstanda maldy mindetti chipteýge qatysty zańǵa qarsylyq bildirdi, dep habarlaidy dalanews.kz.
Onyń aitýynsha, bul talap azamattardyń quqyqtaryn shektep, jeke ómirine qaýip tóndiredi.
“Bul videom Qazaqstan Respýblikasynyń Prezidenti Qasym-Jomart Toqaevqa, Aýyl sharýashylyǵy ministrine jáne Bas prokýrorǵa arnalady. Sebebi Úkimet qabyldaǵan, Prezident qol qoiǵan zańdar meniń ómirime qaýip tóndirip, quqyǵymdy shektep jatyr. Men shekteýge qarsymyn. Qazaqstan maldy mindetti chipteý týraly zań qabyldap qoidy. Men oǵan qarsymyn, sebebi ony óte ziian dep sanaimyn. Ony ziian dep sanaýǵa meniń tabiǵi quqyǵym bar”, - dedi jýrnalist.
Gúlnaz Aýdanbaevanyń pikirinshe, janýarlardy chipteý halyqaralyq quqyq normalary turǵysynan da kúmán týdyrady. Ol óz sózinde Niýrnberg kodeksine silteme jasap, tiri aǵzalarǵa meditsinalyq nemese biologiialyq aralasý jasaýǵa qatysty óz ustanymyn jetkizdi.
“Qazaqstan halyqaralyq normalar men zańdardy ratifikatsiialaǵan. Sondyqtan Niýrnberg kodeksi boiynsha kez kelgen tiri aǵzaǵa – adam bolsyn, janýar bolsyn – meditsinalyq nemese biologiialyq aralasý jasaýǵa bolmaidy dep esepteimin. Endeshe mundai áreketke mindetteitin zańnyń qabyldanýynyń logikasy qaida?”, - dedi ol.
Sonymen qatar jýrnalist Adam quqyqtarynyń jalpyǵa birdei deklaratsiiasy men Azamattyq kodeks normalaryna súiene otyryp, azamattardyń múlkine jáne jeke derekterine olardyń kelisiminsiz aralasýǵa bolmaitynyn aitty.
“Men jeke derekterimdi berýge mindetti emespin. Men óz quqyǵymdy qorǵap qoiǵanmyn. Osyndai zańdardyń bar ekenin bile tura, nege oǵan qaishy keletin talaptardy kúshtep engizip jatyrsyzdar?”, - dedi Aýdanbaeva.
Ol chiptiń qaýipsizdigine senbeitinin de jasyrmady.
“Men mikrotolqyndy peshtiń taǵamyn paidalanbaimyn, 5G munaralarynyń janynda júrýge tyryspaimyn. Sol siiaqty chiptiń de ziiansyz ekenine senbeimin. Qansha jerden sertifikat kórsetseńizder de, senbeýge meniń quqyǵym bar. Men vaktsina saldyrmaityn adammyn. Al malǵa chip taǵý arqyly onyń ónimin paidalanatyn adam retinde ózime de áser etedi dep esepteimin”, - dedi jýrnalist.
Sondai-aq ol memleketten resmi kepildik talap etetinin aitty.
“Eger memleket ókilderi “malyńa eshteńe bolmaidy, densaýlyǵyńa ziian kelmeidi” dep zańdyq ári materialdyq jaýapkershilikti óz moinyna alyp, jazbasha kepildik berse, onda chipteýge kelisemin. Al ondai kepildik bolmasa, men buǵan qarsymyn”, - dedi ol.
Budan bólek, Gúlnaz Aýdanbaeva tsifrlyq teńge men tsifrlyq baqylaýǵa da qarsy ekenin aityp, bul jóninde Tsifrlyq damý ministrligine, Ulttyq bankke jáne basqa da memlekettik organdarǵa resmi hat joldaǵanyn málimdedi.
