Qazaqstanda jumys berýshi men qyzmetker ózara kelisip, básekelespeý týraly shart jasai alady. Mundai shart eńbek quqyǵyn buzbaidy. Konstitýtsiialyq sot qazaqstandyqtyń ótinishin qarap, osyndai qorytyndyǵa keldi, dep habarlaidy dalanews.kz.
Informburo málimetinshe, ótinish iesi jumystan ketkennen keiin adamnyń belgili bir kompaniialarda jumys isteýine nemese básekeles kásippen ainalysýyna shekteý qoiý eńbek etý jáne kásipkerlikpen ainalysý erkindigine qaishy dep eseptegen.
Alaida Konstitýtsiialyq sot Eńbek kodeksiniń 29-baby mundai shartty mindetti etpeitinin túsindirdi. Iaǵni jumys berýshi qyzmetkerge ony birjaqty túrde mindettei almaidy. Básekelespeý týraly shart eki taraptyń kelisimimen jasalady, al qandai shekteýler bolatynyn taraptar zań talaptaryn eskere otyryp ózderi belgileidi.
Máselen, qyzmetker kompaniiadan ketkennen keiin belgili bir ýaqyt aralyǵynda burynǵy jumys berýshisine tikelei básekeles uiymda jumys istemeýge kelisýi múmkin. Bul talaptar básekelespeý týraly shartta aldyn ala kórsetiledi.
Al sharttaǵy talaptardyń zańdylyǵy, qyzmetkerden aiyppul óndirip alý nemese onyń áreketinen jumys berýshige shyǵyn kelgen-kelmegeni jónindegi daýlardy Konstitýtsiialyq sot emes, jalpy iýrisdiktsiiadaǵy sottar qaraidy.
