Zýmerler nege jappai kóshege shyǵa bastady? Bul saýalǵa Baigarayev Sarap arnasy jaýap izdep kórgen, dep habarlaidy Dalanews.kz.
"Osydan 13-14 jyl buryn "arab kóktemi" degen tolqyn biraz Afrika, arab elderin shaiqap ketken edi. Endi sońǵy jyldary zýmer býyn alańǵa jii shyǵa bastady. Bir qyzyǵy, bul joly Ońtústik-Shyǵys Aziia aimaǵynda jii baiqalady.
Biraq bir aimaqpen shektelmeidi. Mysaly, Eýropanyń kóp elinde Palestinany qoldaǵan narazylyq aktsiialaryna Z býyn ókilderi kóptep kelgen. Nemese kezinde Black Lives Matter dep AQSh-ta qara násildiler jappai narazylyǵyn bildirgen edi. Sonda kóshege shyqqandardyń teń jartysy 30-ǵa deiingi jastar bolǵan", - dep jazylǵan málimette.
Arna dereginshe, zýmerlerdiń ereýili sońǵy jyldary Nepal, Shri-Lanka, Marokko, Bangladesh, Indoneziia, Filippin, Gonkong, Tailandta baiqalǵan. Madagaskar, Perýde de jas býyn shyqqan. Zýmerler nege narazy? Nege olar jyldam uiymdasyp, óte aýqymdy ereýil uiymdastyra alady?
"Eń aldymen, ár eldiń jaiy bólek. Ár elde halyqtyń narazylyǵyn týǵyzǵan faktor basqa. Nepalda narazylyq sheneýnikterdiń balalary bailyǵyn maqtana túsken fotolarǵa qarsylyq retinde bastalǵan. Filippinde seldiń saldaryn joiýǵa bólingen aqshanyń jymqyrylýyna, jalpy jemqorlyqqa qarsy kóshege shyqqan. Ózge elde áleýmettik kómektiń qysqarýyna degendei.
Al negizinen jas býynnyń mobildiligine smartfon, internet, áleýmettik jeli yqpal etken. Iaǵni, jyldam kommýnikatsiia. Bul tez uiymdasýǵa, birigýge múmkindik bergen. Túrli heshtegter múddelesterdi toptastyrǵan. Zýmerler tiktok, instagram, H, telegram, diskordty paidalanǵan. Keide telegram.
Zýmerler millenial, odan aldyńǵy býyn sekildi emes. Negizinen 90-jj. joqshylyqty kórmegen soń ba, áleýmettik ádiletsizdikke jyldam qarsy shyǵady. Etikany, zańdy saqtaýdy, ózin qurmetteýdi birden talap etedi. Ol oryndalmasa, protestke shyǵady. Jekelei ne toppen. Greta Týnberg jáne onyń zamandastary - sonyń mysaly.
Taǵy bir faktor. Zýmerler psihologiialyq turǵyda basqasha keledi. Olardyń qundylyǵy basqa. Sondyqtan dástúrli bilikke, partiiaǵa, mediaǵa kóbine senbeidi. Olardyń jyl saiynǵy narrativterine senbeidi. Senim joq jerde qoldaý joq. Qoldaý joq jerde protest bar", - dep jazylǵan málimette.
