Ónerkásip jáne qurylys vitse-ministri Timýr Qaraǵoishin 89 qalanyń ishinde 69 qalada káriz tazartý qurylystaryn salý, qaita qalypqa keltirý jumystaryn júrgizý qajet ekenin aitty, - dep habarlaidy Dalanews.kz.
Búgingi tańda 8 qaladaǵy joba respýblikalyq biýdjetten, iaǵni jalpy somasy 20 milliard teńgege qarjylandyrylǵan. Al qalǵan 61 káriz tazartý júiesine 878 milliard teńge qajet eken. Bul birneshe maqsatta júzege asyrylmaq.
Sonyń ishinde 24 jobany Biryńǵai jinaqtaýshy zeinetaqy qory qarajaty esebinen "Báiterek" ulttyq basqarýshy holdingi arqyly jalpy somasy 316 milliard iske asyrý josparlanyp otyr eken.
Buǵan deiin jylý elektr ortalyǵy da zeinetaqy qorynan bólingen qarjyǵa salynady degen shý shyqty. Artynsha reseilikter salatyn úsh JEO-ǵa aqsha zeinetaqy qorynan bólinbeitini belgili boldy. Bul týraly premer-ministrdiń birinshi orynbasary Roman Skliar brifing barysynda aitty.
Skliardyń sózinshe, JEO qurylysyna qarjy sheteldik investorlardyń esebinen bólinedi.
"Ol jerde (JEO-da) zeinetaqy qorynyń qarjysy qoldanylmaidy. Sheteldik investorlardyń qarajaty paidalanylady jáne olar tabiǵi monopoliialardy retteý komiteti bekitetin tarif esebinen qaitarylady. Kelisimge "Inter-RAÝ" kompaniiasy men osy stantsiialardy birlesip salatyn "Samuryq-Energo" kompaniiasy qol qoidy. Biraq investitsiia "Báiterek" holdinginiń qarjysynan túspeidi. Men muny basa aita alamyn", - degen edi Skliar.
