ونەركاسىپ جانە قۇرىلىس ۆيسە-مينيسترى تيمۋر قاراعويشين 89 قالانىڭ ىشىندە 69 قالادا كارىز تازارتۋ قۇرىلىستارىن سالۋ، قايتا قالىپقا كەلتىرۋ جۇمىستارىن جۇرگىزۋ قاجەت ەكەنىن ايتتى، - دەپ حابارلايدى Dalanews.kz.
بۇگىنگى تاڭدا 8 قالاداعى جوبا رەسپۋبليكالىق بيۋدجەتتەن، ياعني جالپى سوماسى 20 ميلليارد تەڭگەگە قارجىلاندىرىلعان. ال قالعان 61 كارىز تازارتۋ جۇيەسىنە 878 ميلليارد تەڭگە قاجەت ەكەن. بۇل بىرنەشە ماقساتتا جۇزەگە اسىرىلماق.
سونىڭ ىشىندە 24 جوبانى ءبىرىڭعاي جيناقتاۋشى زەينەتاقى قورى قاراجاتى ەسەبىنەن "بايتەرەك" ۇلتتىق باسقارۋشى حولدينگى ارقىلى جالپى سوماسى 316 ميلليارد ىسكە اسىرۋ جوسپارلانىپ وتىر ەكەن.
بۇعان دەيىن جىلۋ ەلەكتر ورتالىعى دا زەينەتاقى قورىنان بولىنگەن قارجىعا سالىنادى دەگەن شۋ شىقتى. ارتىنشا رەسەيلىكتەر سالاتىن ءۇش جەو-عا اقشا زەينەتاقى قورىنان بولىنبەيتىنى بەلگىلى بولدى. بۇل تۋرالى پرەمەر-مينيستردىڭ ءبىرىنشى ورىنباسارى رومان سكليار بريفينگ بارىسىندا ايتتى.
سكلياردىڭ سوزىنشە، جەو قۇرىلىسىنا قارجى شەتەلدىك ينۆەستورلاردىڭ ەسەبىنەن بولىنەدى.
"ول جەردە (جەو-دا) زەينەتاقى قورىنىڭ قارجىسى قولدانىلمايدى. شەتەلدىك ينۆەستورلاردىڭ قاراجاتى پايدالانىلادى جانە ولار تابيعي مونوپوليالاردى رەتتەۋ كوميتەتى بەكىتەتىن تاريف ەسەبىنەن قايتارىلادى. كەلىسىمگە "ينتەر-راۋ" كومپانياسى مەن وسى ستانسيالاردى بىرلەسىپ سالاتىن "سامۇرىق-ەنەرگو" كومپانياسى قول قويدى. ءبىراق ينۆەستيسيا "بايتەرەك" حولدينگىنىڭ قارجىسىنان تۇسپەيدى. مەن مۇنى باسا ايتا الامىن"، - دەگەن ەدى سكليار.
