Zeinetaqy aqshasyn sheshe alatyn 700 myń azamattyń kimder ekeni belgili boldy
Óz Joldaýynda Qasym-Jomart Toqaev Úkimetke Ulttyq Bankpen birlese otyryp, osy máselege qatysty barlyq qajetti normativtik quqyqtyq aktilerdi qabyldaýdy jáne jyldyń aiaǵyna deiin daiyndyq jumystaryn júrgizýdi tapsyrdy. Sonymen qatar, Prezident 2021 jyly 700 myń BJZQ salymshylary jinaqtarynyń bir bóligin páter satyp alýǵa, emdelýge nemese zeinetaqy jinaǵyn qarjy kompaniialaryna basqarý úshin berip, paidalana alatynyn málimdedi.
Eńbek jáne halyqty áleýmettik qorǵaý ministri Birjan Nurymbetov osy 700 myńǵa kimder kiretinin aitty.
Olardyń ishinde:
529,7 myńy - BJZQ-da "jetkiliktilik shekten" (minimaldy zeinetaqymen qamtamasyz etý úshin jetkilikti zeinetaqy jinaǵy) asatyn jinaqtary bar, jumys isteitin azamattar.
Buǵan deiin er adamdar úshin jetkiliktilik shegi 10 million, áielder úshin 12 million teńge bolady dep habarlanǵan bolatyn. Keiinnen Eńbek ministrligi jetkiliktilik shek mólsherin qaita qaralýy múmkin dep málimdedi.
178,4 myń - zeinetaqysy ustalǵan tabysynyń keminde 40% quraidy (eńbek ótili boiynsha zeinetke shyqqandardy qosqanda). Olar qoldanystaǵy jinaq somasynyń 50% -dan aspaityn mólsherin ala alady.
13,3 myń - saqtandyrý kompaniiasymen zeinetaqy annýitetti shartyn jasasqandar (shartqa sai minimaldy zeinetaqy mólsherinen tómen emes ómir boiy ai saiynǵy tólemmen qamsyzdandyrylǵandar).
Osy kategoriialar boiynsha, qazirgi ýaqytta 1,4 trillion teńge kóleminde zeinetaqysyn alýǵa múmkindigi bar 721 myń salymshy anyqtaldy.
