زەينەتاقى اقشاسىن شەشە الاتىن 700 مىڭ ازاماتتىڭ كٸمدەر ەكەنٸ بەلگٸلٸ بولدى
ٶز جولداۋىندا قاسىم-جومارت توقاەۆ ٷكٸمەتكە ۇلتتىق بانكپەن بٸرلەسە وتىرىپ, وسى مەسەلەگە قاتىستى بارلىق قاجەتتٸ نورماتيۆتٸك قۇقىقتىق اكتٸلەردٸ قابىلداۋدى جەنە جىلدىڭ اياعىنا دەيٸن دايىندىق جۇمىستارىن جٷرگٸزۋدٸ تاپسىردى. سونىمەن قاتار, پرەزيدەنت 2021 جىلى 700 مىڭ بجزق سالىمشىلارى جيناقتارىنىڭ بٸر بٶلٸگٸن پەتەر ساتىپ الۋعا, ەمدەلۋگە نەمەسە زەينەتاقى جيناعىن قارجى كومپانييالارىنا باسقارۋ ٷشٸن بەرٸپ, پايدالانا الاتىنىن مەلٸمدەدٸ.
ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ وسى 700 مىڭعا كٸمدەر كٸرەتٸنٸن ايتتى.
ولاردىڭ ٸشٸندە:
529,7 مىڭى - بجزق-دا "جەتكٸلٸكتٸلٸك شەكتەن" (مينيمالدى زەينەتاقىمەن قامتاماسىز ەتۋ ٷشٸن جەتكٸلٸكتٸ زەينەتاقى جيناعى) اساتىن جيناقتارى بار, جۇمىس ٸستەيتٸن ازاماتتار.
بۇعان دەيٸن ەر ادامدار ٷشٸن جەتكٸلٸكتٸلٸك شەگٸ 10 ميلليون, ەيەلدەر ٷشٸن 12 ميلليون تەڭگە بولادى دەپ حابارلانعان بولاتىن. كەيٸننەن ەڭبەك مينيسترلٸگٸ جەتكٸلٸكتٸلٸك شەك مٶلشەرٸن قايتا قارالۋى مٷمكٸن دەپ مەلٸمدەدٸ.
178,4 مىڭ - زەينەتاقىسى ۇستالعان تابىسىنىڭ كەمٸندە 40% قۇرايدى (ەڭبەك ٶتٸلٸ بويىنشا زەينەتكە شىققانداردى قوسقاندا). ولار قولدانىستاعى جيناق سوماسىنىڭ 50% -دان اسپايتىن مٶلشەرٸن الا الادى.
13,3 مىڭ - ساقتاندىرۋ كومپانيياسىمەن زەينەتاقى اننۋيتەتتٸ شارتىن جاساسقاندار (شارتقا ساي مينيمالدى زەينەتاقى مٶلشەرٸنەن تٶمەن ەمەس ٶمٸر بويى اي سايىنعى تٶلەممەن قامسىزداندىرىلعاندار).
وسى كاتەگورييالار بويىنشا, قازٸرگٸ ۋاقىتتا 1,4 تريلليون تەڭگە كٶلەمٸندە زەينەتاقىسىن الۋعا مٷمكٸندٸگٸ بار 721 مىڭ سالىمشى انىقتالدى.
