Jetisý oblysynda Qaratal ózeniniń arnasynan zańsyz qum-qiyrshyqtas qospasyn óndirgeni úshin kásipkerdiń júk kóligi memleket kirisine tárkilendi, dep habarlaidy dalanews.kz.
Bas prokýratýranyń málimetinshe, mamandandyrylǵan tabiǵat qorǵaý prokýratýrasynyń reidtik is-sharalary barysynda Qaratal ózeniniń arnasynan qum-qiyrshyqtas qospasynyń zańsyz óndirilgeni anyqtalǵan.
Tekserý barysynda seriktestiktiń ekologiialyq jáne jer zańnamasynyń talaptaryn buza otyryp, tabiǵi resýrstardy óndirgeni belgili boldy.
Prokýratýranyń úilestirýimen ýákiletti organ ákimshilik hattama toltyryp, isti sotqa joldaǵan. Alǵashqy satydaǵy sot quqyq buzýshyǵa eń tómengi jaza taǵaiyndaǵanymen, prokýratýra bul sheshimge narazylyq bildirgen.
Apelliatsiialyq satydaǵy sot prokýratýranyń narazylyǵyn qanaǵattandyryp, quqyq buzýshyny Ákimshilik quqyq buzýshylyq týraly kodekstiń 139-babynyń 2-bóligi boiynsha kináli dep tanydy.
Sot sheshimimen oǵan aiyppul salynyp, zańsyz óndirilgen tabiǵi resýrstardy tasymaldaýǵa paidalanylǵan júk kóligi memleket kirisine tárkilendi.
Prokýratýra zańsyz jer qoinaýyn paidalaný derekterin anyqtaý jáne tabiǵat qorǵaý zańnamasyn buzǵandardy jaýapkershilikke tartý jumystary jalǵasatynyn málimdedi.
