Jetisý oblysyndaǵy bilim berý uiymdaryn tekserý barysynda jalpy somasy 495,3 mln teńgege jýyq zańbuzýshylyq anyqtaldy, dep habarlaidy dalanews.kz.
Memlekettik aýdit qorytyndysyna sáikes, onyń 78,5 mln teńgesi qarjylyq zańbuzýshylyqtarǵa, al 416,8 mln teńgesi memlekettik satyp alý men qujat rásimdeýge qatysty talaptardyń saqtalmaýyna bailanysty bolǵan.
Zańbuzýshylyqtardy Jetisý oblysy boiynsha Ishki memlekettik aýdit departamentiniń mamandary anyqtady.
Bul máseleler bilim salasyndaǵy qarjylyq jáne qylmystyq quqyqbuzýshylyqtardyń aldyn alýǵa arnalǵan keńeste qaraldy. Jiynda anyqtalǵan kemshilikterdi joiý, biýdjet qarjysynyń tiimdi jumsalýyn qamtamasyz etý jáne bilim berý uiymdaryndaǵy qarjylyq baqylaýdy kúsheitý jóninde naqty tapsyrmalar berildi.
