Jetisý oblysynyń prokýratýrasy azamattardyń quqyqtaryn qorǵaýdy jáne turmystyq zorlyq-zombylyq faktileri boiynsha quqyq buzýshynyń laýazymyna, mártebesine nemese jumys ornyna qaramastan jaýapkershiliktiń bultartpastyǵy qaǵidatyn dáiekti túrde qamtamasyz etip keledi, dep habarlaidy dalanews.kz.
Qaratal aýdandyq sotynyń qaraýyna túsken qylmystyq is boiynsha azamat turmystyq zorlyq-zombylyq jasaǵany úshin kináli dep tanyldy.
Qylmys jasalǵan kezde ol otbasylyq-turmystyq zorlyq-zombylyqtan zardap shekken adamdarǵa kómek kórsetetin «Januia» Otbasyn qoldaý ortalyǵynda zańger bolyp jumys istegen. Alaida jábirlenýshilerdiń quqyqtaryn qorǵaýǵa baǵyttalǵan kásibi qyzmetine qaramastan, óziniń jubaiyna qatysty zańǵa qaishy áreketter jasaǵan.
Sot talqylaýy barysynda Qaratal aýdany prokýratýrasynyń memlekettik aiyptaýshysy onyń kinásin tolyq dáleldedi. Sot úkimimen kinálige 200 saǵat qoǵamdyq jumys túrindegi jaza taǵaiyndaldy. Úkim zańdy kúshine endi.
Jetisý oblysynyń prokýratýrasy turmystyq zorlyq-zombylyqqa jol berilmeitinin jáne mundai áreketter úshin Qazaqstan Respýblikasynyń zańnamasynda kózdelgen jaýapkershilik qarastyrylǵanyn eske salady. Zańdylyqty qamtamasyz etý jáne jábirlenýshilerdiń quqyqtaryn qorǵaý jónindegi jumys prokýratýra organdarynyń turaqty baqylaýynda.
