"Zerdeli" yqshamaýdanyndaǵy qisaiǵan úige qatysty qylmystyq is qozǵaldy. Bul týraly atalǵan úidiń turǵyndarymen kezdesý barysynda, aýdandyq prokýratýra ókilderi málimdedi. Sondai-aq, zertteý nátijeleri de aityldy. Qazaq qurylys jáne sáýlet ǵylymi-zertteý jáne jobalaý institýtynyń mamandary 9 qabatty turǵyn úidi qaita qalpyna keltirýge bolady dep otyr, dep habarlaidy Almaty.tv.
Sapasyz salynǵan qurylys. "Zerdelidegi" qisaiǵan úige bir aidan astam zertteý júrgizgen mamandar osyndai sheshim shyǵarǵan. Biraq, tekserýshilerdiń sózinshe turǵyn úi apatty jaǵdaida emes. Tekserý nátijelerinen keiin osy oqiǵaǵa qatysty qylmystyq is qozǵalǵan. Muny turǵyndarmen kezdesýde aýdandyq prokýratýranyń ókili málimdedi.
"2019 jyldyń 24 jeltoqsan kúni atalǵan iske qatysty Qylmystyq kodestiń 278-baby, iaǵni"Sapasyz salynǵan qurylys" boiynsha qylmystyq is qozǵaldy. Is politsiia departamentine joldandy. Búginde tergeý jumystary júrip jatyr. Kináliler 6 jylǵa deiin bas bostandyǵynan aiyrylatyn bolady", – dedi Alataý aýdany prokýrorynyń orynbasary Erjan BOLATHANOV
Sondai-aq, jiynda zertteý nátijeleri de aityldy. Atalǵan úige zertteý júrgizgen Qazaq qurylys jáne sáýlet ǵylymi-zertteý jáne jobalaý institýtynyń mamandary úidi qalpyna keltirýge bolady dep otyr. Ol úshin úidiń jan-jaǵyna qadalar ornatý arqyly úidi tiktep nyǵaitý boiynsha jumystar júrgiziletin bolady.
"Biz bul qortyndyny eki kitapqa bóldik. Iaǵni, úidiń tómengi bóligi jáne joǵarǵy bóligi. Úidiń jer astyndaǵy bóligimen jumys isteitinder joǵarǵy jaǵyna tiispeidi. Olar qarama-qarsy jaǵynan topyraqty alý arqyly úidiń qisaiýyn joiý boiynsha jumystar júrgizetin bolady", – dedi Jaily qalalyq orta basqarmasynyń basshysy Qýandyq AITMAǴANBETOV.
"Zerdeli" yqshamaýdanyndaǵy qisaiǵan úidiń ieleri óz baspanalaryna orala ma, ol jaǵy naqty sheshilgen joq. Ol sheshim myna úidiń jan-jaǵyna soǵylatyn bóreneler men úi qaita túzetilgennen keiingi tekseristen soń ǵana shyǵarylady.
Jumystar mamandardyń aitýynsha, shamamen úsh aiǵa deiin sozylýy múmkin. Al, ol ýaqytqa deiin barlyq turǵyndar qala ákimshiligi esebinen jalǵa beriletin turǵyn úide tura beredi. Odan ózge, aldaǵy ýaqytta Qazaq qurylys jáne sáýlet ǵylymi-zertteý jáne jobalaý institýty "Zerdeli" yqshamaýdanyndaǵy barlyq 32 úi boiynsha zertteý jasalatyn bolady.
