Eńbek jáne halyqty áleýmettik qorǵaý vitse-ministri Viktoriia Shegai zeinetaqy jinaqtaryn merziminen buryn paidalaný úshin belgilengen jetkiliktilik shekterine qatysty túsinikteme berdi, dep habarlaidy dalanews.kz.
Onyń sózinshe, 20-40 jas aralyǵyndaǵy azamattardyń ai saiyn shamamen 500 myń teńge kóleminde tabys tabýy qajet degen esep tek mindetti zeinetaqy jarnalaryna súienip jasalmaǵan.
Vitse-ministr zeinetaqy qoryndaǵy qarajattyń edáýir bóligi investitsiialyq tabystyń esebinen qalyptasatynyn atap ótti. Onyń aitýynsha, jinaqtardyń shamamen 30 paiyzy investitsiialyq kiristerden quralady.
Sondai-aq ol belgilengen joǵary jetkiliktilik shekterine qansha azamattyń sáikes keletini jóninde naqty statistika bar ekenin aitty. Alaida bul málimetterdi sol sátte jariialai almady, óitkeni qajetti sandar ózinde bolmaǵan.
