Oblys ákimi Zaisan aýdanyna jasaǵan jumys sapary barysynda Shilikti jazyǵynda qazbalar jumysy jasalǵan mekende boldy. Eń kóne qorǵandy zertteý jumystary mamyr aiynda bastalyp, aiaqtalý ústinde. Eskertkishtiń biikti segiz jarym metr bolsa, eni 88 metrdi qurap otyr. Atalmysh jádiger bizdiń zamanymyzǵa deiin VII ǵasyrǵa jatady. Jermen kómkerilgen aǵash keskini taspen qashalyp uzaq saqtalǵan. Ǵalymdar jádigerdi zerttegen kezde eki adamnyń qoiylǵan ornyn tapqan.
Arheologtar zertteý jumystary barysynda bizdiń ata-babamyzdyń joǵary zergerlik sheberlikterine kóz jetkizdi. Saq taipalaryna tiesili alty altyn buiym dástúrli qus beinesinde bezendirilgen. Sonymen qatar tarydai kishkentai altyn túiindiler tabylǵan. Bul uzaq bólshekterge odan da kishkentai ilmek jasalyp, kiimderge qadalǵan. Bunyń barlyǵy sol kezdiń sheberleri uzaq bólshektermen jumys isteý tehnikasyn jetik meńgergenin dáleldeidi.
Aimaq basshysy jaýapty tulǵalarǵa týristerge qorǵandardy tamashalaýǵa múmkindik beretin sarkofag qurylysynyń jobasyn daiyndaýdy tapsyrdy.
– Osynda tabylǵan qazbalar biregei. Bul bizdiń ata-babamyzdyń zergerlik sheberlikti joǵary deńgeide meńgergenin kórsetedi. Sondyqtan bul jaiynda adamdar bilý qajet. Osyndai ispettes kúmbezdiń qurylysy Berelde bastaldy. Biz týristerdi tartý úshin infraqurylymnyń bul túrin damytýymyz qajet, – dedi Danial Ahmetov.
