شىلىكتى جازىعىندا ورناتىلاتىن ارنايى عيمارات ەجەلگى تاريحي قازبالاردىڭ ساقتالاۋىن قامتاماسىز ەتىپ، تۋريستەرگە ارحەولوگيالىق قۇندىلىقتارمەن تانىسۋعا مۇمكىندىك بەرەدى.
وبلىس اكىمى زايسان اۋدانىنا جاساعان جۇمىس ساپارى بارىسىندا شىلىكتى جازىعىندا قازبالار جۇمىسى جاسالعان مەكەندە بولدى. ەڭ كونە قورعاندى زەرتتەۋ جۇمىستارى مامىر ايىندا باستالىپ، اياقتالۋ ۇستىندە. ەسكەرتكىشتىڭ بيىكتى سەگىز جارىم مەتر بولسا، ەنى 88 مەتردى قۇراپ وتىر. اتالمىش جادىگەر ءبىزدىڭ زامانىمىزعا دەيىن Vءىى عاسىرعا جاتادى. جەرمەن كومكەرىلگەن اعاش كەسكىنى تاسپەن قاشالىپ ۇزاق ساقتالعان. عالىمدار جادىگەردى زەرتتەگەن كەزدە ەكى ادامنىڭ قويىلعان ورنىن تاپقان.
ارحەولوگتار زەرتتەۋ جۇمىستارى بارىسىندا ءبىزدىڭ اتا-بابامىزدىڭ جوعارى زەرگەرلىك شەبەرلىكتەرىنە كوز جەتكىزدى. ساق تايپالارىنا تيەسىلى التى التىن بۇيىم ءداستۇرلى قۇس بەينەسىندە بەزەندىرىلگەن. سونىمەن قاتار تارىداي كىشكەنتاي التىن تۇيىندىلەر تابىلعان. بۇل ۇزاق بولشەكتەرگە ودان دا كىشكەنتاي ىلمەك جاسالىپ، كيىمدەرگە قادالعان. بۇنىڭ بارلىعى سول كەزدىڭ شەبەرلەرى ۇزاق بولشەكتەرمەن جۇمىس ىستەۋ تەحنيكاسىن جەتىك مەڭگەرگەنىن دالەلدەيدى.


ايماق باسشىسى جاۋاپتى تۇلعالارعا تۋريستەرگە قورعانداردى تاماشالاۋعا مۇمكىندىك بەرەتىن ساركوفاگ قۇرىلىسىنىڭ جوباسىن دايىنداۋدى تاپسىردى.
– وسىندا تابىلعان قازبالار بىرەگەي. بۇل ءبىزدىڭ اتا-بابامىزدىڭ زەرگەرلىك شەبەرلىكتى جوعارى دەڭگەيدە مەڭگەرگەنىن كورسەتەدى. سوندىقتان بۇل جايىندا ادامدار ءبىلۋ قاجەت. وسىنداي ىسپەتتەس كۇمبەزدىڭ قۇرىلىسى بەرەلدە باستالدى. ءبىز تۋريستەردى تارتۋ ءۇشىن ينفراقۇرىلىمنىڭ بۇل ءتۇرىن دامىتۋىمىز قاجەت، – دەدى دانيال احمەتوۆ.